2 Myghternedh 9:27 - An Bibel Kernewek 20234 (Kernewek Kemmyn)

²⁷ Mes pan welas Ahazia myghtern Yuda hemma ev a fias war an fordh dhe Beth-haggan. Yehu a'n siwyas, ow leverel, ‘Tennewgh orto ynwedh!’ Hag i a dennas orto y'n charett war an fordh a yskynn dhe Gur hag usi ryb Ybleam. Hag ev a fias dhe Megiddo ha merwel ena.

2 Myghternedh 9:27 ပူးပေါင်းရင်းမြစ်များ

1 Myghternedh 21:2

Ahab a leveris dhe Naboth, ‘Ro dhymm dha winlann, ma'm bydh erber, drefenn y vos ogas dhe'm chi; my a re dhis gwinlann well rygdhi; poken, mars yw da genes, my a re dhis hy thalvosogeth yn arghans.’

1 Myghternedh 4:12

Baana mab Ahilud yn Taanak ha Megiddo, oll Beth-shean ryb Sarethan yn-dann Yezreel, a Beth-shean dhe Abel-mehola, bys y'n tu arall dhe Yokmeam;

2 Myghternedh 10:4

Mes yth esa own dres eghenn dhedha, hag i a leveris, ‘Otta, ny allas an dhew vyghtern sevel orto; fatell yllyn ni sevel orto?’

2 Myghternedh 11:1

Kettell welas Athalia mamm Ahazia bos marow hy mab, hi a sevis ha distrui oll an teylu ryel.

2 Myghternedh 12:1

Y'n seythves blydhen a Yehu, Yoash a dhallathas reynya, hag ev a reynyas dew-ugens blydhen yn Yerusalem. Hanow y vamm o Sibya a Beer-sheba.

2 Myghternedh 12:21

Yozakar mab Shimeath, ha Yehozabad mab Shomer, y wesyon, a'n ladhas hag ev a verwis. Hag ev a veu ynkleudhys gans y dasow yn sita Davydh; hag Amasia a reynyas yn y le.

2 Myghternedh 14:19

I a wrug bras er y bynn yn Yerusalem, hag ev a fias dhe Lakish; mes i a dannvonas war y lergh dhe Lakish ha'y ladha ena.

2 Myghternedh 21:23

Gwesyon Amon a vrassa er y bynn, ha ladha an myghtern yn y ji.

2 Myghternedh 8:29

Myghtern Yoram a dhehwelis dhe Yezreel rag bos yaghhes dhiworth an goliow a ros dhodho an Aramysi yn Rama, pan vatalyas orth Hazael myghtern Aram. Ena Ahazia mab Yehoram myghtern Yuda eth yn-nans dhe weles Yoram mab Ahab yn Yezreel, drefenn y vos klav.

Lavarow Koth 13:20

Neb a gerdh gans tus fur a dheu ha bos fur, mes koweth an re foll a berth dregynn.

Niverow 16:26

Hag ev a leveris dhe'n kuntelles, ‘Diberthewgh, my a'gas pys, a dyldow an debel wer ma, ha na dochyewgh travyth yw dhedha ma na vowgh diswrys gans aga feghosow oll.’

2 Korinthianys 6:17

Rakhenna dewgh yn-mes a-dhiworta, ha bedhewgh diberthys, yn-medh an Arloedh, ha na dochyewgh travyth avlan, ha my a wra agas degemmeres,

Yoshua 17:11

Yn Yssakar hag Asher, yth o dhe Manasse Beth-shean ha'y threvow, Ybleam ha'y threvow, trigoryon Dor ha'y threvow, trigoryon En-dor ha'y threvow, trigoryon Taanak ha'y threvow, ha trigoryon Megiddo ha'y threvow (an tressa yw Nafeth).

Breusysi 1:27

Ny wrug Manasse chasya dhe-ves trigoryon Beth-shean ha'y threvow, na Taanak ha'y threvow, na trigoryon Dor ha'y threvow, na trigoryon Ybleam ha'y threvow, na trigoryon Megiddo ha'y threvow; byttegyns an Kananysi a withas dalghenn y'n tir na.

Breusysi 5:19

‘Myghternedh a dheuth, i a omladhas; ena myghternedh Kanan a omladhas yn Taanak, ryb dowrow Megiddo; ny gemmersons preydh a arghans.