2 Myghternedh 9:1 - An Bibel Kernewek 20234 (Kernewek Kemmyn)

¹ Ena Elisha an profoes a elwis onan a vebyon an brofoesi ha leverel dhodho, ‘Grogys dha dhiwglun ha kemmer an kostrel ma a oyl y'th leuv ha mos dhe Ramoth-gilead.

2 Myghternedh 9:1 ပူးပေါင်းရင်းမြစ်များ

1 Myghternedh 1:39

Sadok an oferyas a gemmeras korn an oyl yn-mes a'n tylda hag a untyas Solomon. Ena i a hwythas an hirgorn; hag oll an bobel a leveris, ‘Re vewo myghtern Solomon!’

1 Myghternedh 18:46

Mes yth esa leuv an Arloedh war Elias; ev a wrogysas y dhiwglun ha poenya a-rag Ahab oll an fordh dhe Yezreel.

1 Myghternedh 19:16

hag ynwedh untya Yehu mab Nimshi avel myghtern war Ysrael, hag untya Elisha mab Shafat a Abel-mehola avel profoes yn dha le.

1 Myghternedh 20:35

Orth gorhemmynn an Arloedh unn esel a gowetha an brofoesi a leveris dh'y gila, ‘Gwask vy!’ Mes an gour a naghas y weskel.

1 Myghternedh 22:20

Ha'n Arloedh a leveris, “Piw a dhyn Ahab, mayth ello ha koedha yn Ramoth-gilead?” Ena an eyl a leveris unn dra, ha'y gila a leveris ken tra,

1 Myghternedh 22:4

Ev a leveris dhe Yehoshafat, ‘A vynnydh mos genev dhe vatalyas orth Ramoth-gilead?’ Yehoshafat a worthybis dhe vyghtern Ysrael, ‘My yw avelos, ow fobel yw dha bobel, ow mergh yw dha vergh.’

2 Myghternedh 2:15

Ha pan y'n gwelas mebyon an brofoesi re bia yn Yeriko, i a leveris, ‘Spyrys Elias a drig war Elisha.’ Hag i a dheuth dhe vetya orto hag omblegya dhe'n dor a-ragdho.

2 Myghternedh 2:3

Mebyon an brofoesi yn Bethel a dheuth yn-rag dhe Elisha ha leverel dhodho, ‘A wodhes an Arloedh dhe gemmeres dha vester dhiwarnas hedhyw?’ Ev a leveris, ‘Gonn, my a'n goer. Na leverewgh travyth.’

2 Myghternedh 2:5

Mebyon an brofoesi yn Yeriko a dheuth dhe Elisha ha leverel dhodho, ‘A wodhes an Arloedh dhe gemmeres dha vester dhiwarnas hedhyw?’ Hag ev a worthybis, ‘Gonn, my a'n goer. Na leverewgh travyth.’

2 Myghternedh 2:7

Hanter-kans gour a vebyon an brofoesi eth ha sevel rag mires a bellder; ha'n dhew a sevis ryb an Yordan.

2 Myghternedh 4:1

Unn venyn yn mysk gwragedh mebyon an brofoesi a grias dhe Elisha ow leverel ‘Marow yw dha was, ow gour, ha ty a woer dha was dhe berthi own a'n Arloedh. Lemmyn kresysor re dheuth rag kemmeres ow dew vab rag bos y gethyon.’

2 Myghternedh 4:29

Ena ev a leveris dhe Gehazi, ‘Grogys dha dhiwglun, ha kemmer ow lorgh yn dha dhorn, ha ke. Mar metydh orth nebonan, na'n salus, ha mar kwra nebonan dha salusi, na worthyp dhodho; ha gorr ow lorgh war fas an flogh.’

2 Myghternedh 9:4

Ytho an gour yowynk, an profoes, eth dhe Ramoth-gilead.

2 Kroniklys 22:1

Trigoryon Yerusalem a wrug y yowynka mab Ahazia myghtern yn y le; rag an bagas a dheuth gans an Arabyon dhe'n kamp re ladhsa oll an kottha mebyon. Ytho Ahazia mab Yehoram myghtern Yuda a dhallathas reynya.

2 Kroniklys 22:5

Ev a holyas aga husul ynwedh pan eth gans Yehoram mab Ahab myghtern Ysrael rag gwerrya erbynn Hazael myghtern Aram yn Ramoth-gilead. An Aramysi a wolias Yehoram,

Yeremia 1:17

Ty ytho grogys dha dhiwglun, ha sevel, ha kewsel dhedha pup-tra a worhemmynnav dhis: na vydh ownek a-ragdha, ma na'th ownekhav a-dheragdha.

Matthew 26:7

unn venyn a dheuth dhodho ha gensi lester alabaster a eli meur y bris, neb a wrug y dhinewi war y benn, hag ev esedhys dhe dhybri.

Dewteronomi 4:1

Lemmyn, Ysrael, goslow an ordenansow ha'n breusow esov ow tyski dhywgh dhe wul, rag may fewowgh ha dos hag erita an tir usi an Arloedh Duw agas tasow ow ri dhywgh.

Dewteronomi 4:3

Agas dewlagas a welas an pyth a wrug an Arloedh orth Baal-peor; rag pub gour a gerdhas war-lergh Baal-peor, an Arloedh dha Dhuw a'n distruis yn-mes ahanas,

1 Peder 1:13

Ytho, grogysewgh diwglun agas brys, bedhewgh divedhow, ha settyewgh agas govenek yn tien war an gras a vydh dres dhywgh orth diskwedhyans Yesu Krist.

1 Samuel 10:1

Ena Samuel a gemmeras kostrel a olew, ha'y dhiveri war y benn, hag amma dhodho, ha leverel, ‘A ny wrug an Arloedh dha untya dhe vos rewler war y ertach?

1 Samuel 16:1

Ha'n Arloedh a leveris dhe Samuel, ‘Pygemmys prys y fydhydh ow kyni rag Sowl? My re'n skonyas a vones myghtern war Ysrael. Lanw dha gorn gans oyl, ha ke, my a'th tannvon dhe Yesse an Bethlehemyas, rag my re brovias ragov ow honan myghtern yn mysk y vebyon.’