2 Myghternedh 8:7 - An Bibel Kernewek 20234 (Kernewek Kemmyn)

⁷ Elisha a dheuth dhe Damaskus; ha klav o Ben-hadad, myghtern Aram. Leverys veu dhe'n myghtern, ‘Gour Duw re dheuth omma’,

2 Myghternedh 8:7 ပူးပေါင်းရင်းမြစ်များ

Jenesis 14:15

Hag yn nos ev a rannas y lu er aga fynn, ev ha'y wesyon, ha'ga fetha, ha'ga chasya bys yn Hoba usi a'n barth kledh dhe Damaskus.

1 Myghternedh 11:24

Ev a guntellas gwer dhodho ha dos ha bos kapten bagas preydhoryon, wosa an ladhva gans Davydh; i eth dhe Damaskus ha triga ena ha gul dhodho bos myghtern yn Damaskus.

1 Myghternedh 13:1

Dre er an Arloedh gour Duw a dheuth yn-mes a Yuda dhe Bethel, ha Yeroboam a'y sav ryb an alter rag leski offrynn.

1 Myghternedh 15:18

Ena Asa a gemmeras oll an arghans ha'n owr hag o gesys yn tresorvaow chi an Arloedh ha tresorvaow chi an myghtern, ha'ga ri yn leuv y wesyon. Myghtern Asa a's dannvonas dhe vyghtern Ben-hadad mab Tabrimmon mab Hezyon, myghtern Aram, esa trigys yn Damaskus, ow leverel,

1 Myghternedh 20:1

Ben-hadad myghtern Aram a guntellas war-barth oll y lu; yth esa dewdhek warn ugens myghtern ganso, keffrys ha mergh ha charettow. Ev eth yn-bann erbynn Samaria ha gorra esedhva warnedhi ha'y gweskel.

1 Myghternedh 20:34

Ben-hadad a leveris dhodho, ‘My a dhaswra an trevow a gemmeras ow thas a-dhiworth dha das; ha ty a yll fondya marghasow ragos dha honan yn Damaskus, par dell wrug ow thas yn Samaria.’ Myghtern Ysrael a worthybis, ‘My a'th tannvon dhe-ves gans an kevambos ma.’ Ytho ev a wrug kevambos ganso ha'y asa dhe vos.

2 Myghternedh 1:2

Lemmyn Ahazia re goedhsa der an lattis yn y jambour y'n soler yn Samaria, hag o klav. Ytho ev a dhannvonas kannasow, ow leverel dhedha, ‘Kewgh ha govynnewgh orth Baal-zebub, duw Ekron, mar kwrav gwellhe dhiworth an kleves ma.’

2 Myghternedh 2:15

Ha pan y'n gwelas mebyon an brofoesi re bia yn Yeriko, i a leveris, ‘Spyrys Elias a drig war Elisha.’ Hag i a dheuth dhe vetya orto hag omblegya dhe'n dor a-ragdho.

2 Myghternedh 5:20

Gehazi, gwas Elisha, gour Duw, a leveris dh'y honan, ‘Ow mester re sparyas Naaman an Aramyas ma, drefenn na dhegemmeras dhiworth y dhiwla an pyth a brofyas ev. Dell vew an Arloedh, my a wra poenya war y lergh ha kemmeres neppyth a-dhiworto.’

2 Myghternedh 6:12

Hag onan a'y wesyon a leveris, ‘Denvyth, ow arloedh, a vyghtern. Mes Elisha, an profoes usi yn Ysrael, a lever dhe vyghtern Ysrael an geryow a gewsydh y'th chambour.’

2 Myghternedh 6:24

Wosa hemma Ben-hadad, myghtern Aram, a guntellas oll y lu hag yskynna ha gul esedhva war Samaria.

2 Myghternedh 8:6

Pan wovynnas an myghtern orth an venyn, hi a'n derivas dhodho. Ytho an myghtern a apoyntyas soedhek rygdhi, ow leverel, ‘Asver pup-tra esa dhedhi, hag oll prow an gwel a-dhia'n jydh may hasas hi an tir bys lemmyn.’

Ysay 7:8

rag penn Aram yw Damaskus ha penn Damaskus yw Resin; hag a-ji dhe bymp blydhen ha tri-ugens Efraym a vydh terrys dhe demmyn ma na vydh pobel na fella.

Yeremia 40:5

Mar kortydh, ena dehwel dhe Gedalia mab Ahikam mab Shafan, a veu gwrys governour trevow Yuda gans myghtern Babylon, ha gorta ganso yn mysk an bobel; po ke plepynag yth hevel ewn dhe vos di.’ Ytho kapten an withysi a ros dhodho ewnrann a voes ha ro, ha'y asa dhe vos.

Oberow 17:6

mes pan na's kavas i a dennas Yason ha re a'n vreder dhe soedhogyon an sita, ow kria, ‘An dus ma neb re dreylyas an nor war y benn re dheuth omma ynwedh,

Dewteronomi 33:1

Homm yw an vennath may hwrug Moyses, den Duw, benniga mebyon Ysrael gensi kyns y vernans.

Breusysi 16:2

Derivys veu dhe'n Filistysi, ‘Samson yw devedhys omma.’ Yndella i a omguntellas a-dro ha'y gontrewaytya oll an nos orth yet an sita. Tewel a wrens der oll an nos, ow prederi, ‘Gortyn bys yn golow an myttin, ena ni a'n ladh.’