2 Myghternedh 8:5 - An Bibel Kernewek 20234 (Kernewek Kemmyn)

⁵ Pan esa ev ow leverel dhe'n myghtern fatell dhros ev korf marow arta dhe vewnans, otta, an venyn a dhros ev hy mab arta dhe vewnans a grias dhe'n myghtern a-barth hy chi ha'y thir. Ha Gehazi a leveris, ‘Ow arloedh an myghtern, homm yw an venyn, ha hemm yw hy mab a dhros Elisha arta dhe vewnans.’

2 Myghternedh 8:5 ပူးပေါင်းရင်းမြစ်များ

1 Myghternedh 20:1

Ben-hadad myghtern Aram a guntellas war-barth oll y lu; yth esa dewdhek warn ugens myghtern ganso, keffrys ha mergh ha charettow. Ev eth yn-bann erbynn Samaria ha gorra esedhva warnedhi ha'y gweskel.

2 Myghternedh 4:12

ev a leveris dhe Gehazi, y was, ‘Galw orth an Shunammyades ma.’ Pan elwis dhedhi, hi a sevis a-ragdho.

2 Myghternedh 4:35

Ena ev a sevis ha kerdhes y'n chi yn-rag ha war-dhelergh, ha mos war an gweli hag omystynn warnodho; ha'n flogh a striwis seythgweyth ha'n flogh a igoras y dhewlagas.

2 Myghternedh 6:12

Hag onan a'y wesyon a leveris, ‘Denvyth, ow arloedh, a vyghtern. Mes Elisha, an profoes usi yn Ysrael, a lever dhe vyghtern Ysrael an geryow a gewsydh y'th chambour.’

2 Myghternedh 6:26

Y feu myghtern Ysrael ow tremena war an fos, pan grias benyn dhodho, ‘Gweres, ow arloedh, myghtern!’

2 Myghternedh 8:6

Pan wovynnas an myghtern orth an venyn, hi a'n derivas dhodho. Ytho an myghtern a apoyntyas soedhek rygdhi, ow leverel, ‘Asver pup-tra esa dhedhi, hag oll prow an gwel a-dhia'n jydh may hasas hi an tir bys lemmyn.’

Ester 5:14

Ena yn-medh Zeresh y wreg hag oll y gowetha dhodho, ‘Pareusens gwydhenn hanter-kans kevelin hy ughelder, ha ternos vyttin kows orth an myghtern may fo Mordekay kregys warnedhi: ena ke a-ji yn heudh gans an myghtern dhe'n kevewi.’ An gusul ma a blesyas Haman, ha pareusi an wydhenn a wrug.

Salmow 145:1

My a'th ughelha, A Dhuw an Myghtern, ha my a vennik dha hanow bys vykken ha bynnari.

Lavarow Koth 16:9

Brys den a dewl towl y fordhow, mes an Arloedh a gevarwoedh kammow y dhewdroes.

Ekklesiastes 9:11

My a dreylyas dhe weles yn-dann an howl nag yw pup-prys an resegva gwaynys gans an re yw skav, ha nag yw pup-prys an gas gwaynys gans an re yw galloesek, ha nag eus bara dhe'n re yw fur, ha nag eus rychys dhe'n re yw skentel, ha nag eus gras dhe'n re yw sleygh, drefenn bos ha termyn ha chons ow hwarvos dhedha i oll.

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Ruth 2:3

Hag yth eth ha kuntell gesigow y'n gwel war-lergh an vysoryon, ha par happ perghennek an rann na a'n gwel o Boaz, a deylu Elimelek.

1 Samuel 26:17

Ha Sowl a aswonnis lev Davydh, ha leverel, ‘Yw hemma dha lev, ow mab Davydh?’ Hag yn-medh Davydh, ‘Yth yw ow lev, ow arloedh, A vyghtern.’