2 Myghternedh 8:1 - An Bibel Kernewek 20234 (Kernewek Kemmyn)

¹ Elisha a gewsis orth an venyn a dhros ev hy mab arta dhe vewnans, ow leverel, ‘Sav yn-bann ha ke gans dha vayni, ha triga plepynag may hylli triga; rag an Arloedh re worhemmynnis divoetter a seyth blydhen, ha re dheuth seulabrys dhe'n tir.

2 Myghternedh 8:1 ပူးပေါင်းရင်းမြစ်များ

Jenesis 12:10

Mes yth esa divoetter y'n pow; ytho Abram eth yn-nans dhe Ejyp dhe driga ena, rag bos an divoetter poes y'n pow.

Jenesis 26:1

Yth esa divoetter arall y'n pow, dres an kynsa divoetter re hwarva yn dydhyow Abraham, hag yth eth Ysak dhe Abimelek myghtern an Filistysi, bys yn Gerar.

Jenesis 41:25

Hag yn-medh Yosep dhe Faro, ‘Onan yw hunros Faro. Duw re dhiskwedhas dhe Faro an pyth usi ow kul.

Jenesis 41:32

Ha rag bos an hunros diskwedhys diwweyth dhe Faro, sur yw, an dra dhe vos fondys gans Duw hag yma Duw ow fistena dh'y wul.

Jenesis 41:54

ha'n seyth blydhen a dhivoetter a dhallathas dos, dell lavarsa Yosep. Yth esa divoetter yn oll an powyow, mes yth esa bara yn pow Ejyp oll.

Jenesis 47:4

Hag yn-medhons i dhe Faro, ‘Ni re dheuth dhe driga y'n pow, rag nyns eus peurva yn pow Kanan rag flokk dha wesyon, rag tynn yw an divoetter yn pow Kanan. Ytho lemmyn, gas dha wesyon dhe driga yn pow Goshen, ni a'th pys.’

2 Samuel 21:1

Lemmyn yth esa divoetter yn dydhyow Davydh teyr blydhen, blydhen wosa blydhen; ytho Davydh a hwilas fas an Arloedh. Ha'n Arloedh a worthybis, ‘Yth yw drefenn Sowl, ha'y ji goesek, rag ev dhe worra an Gibeonysi dhe'n mernans.’

2 Samuel 24:13

Ytho Gad a dheuth dhe Davydh, ha leverel dhodho, ‘A wra seyth blydhen a dhivoetter dos dhis y'th tir? Po a vynn'ta fia tri mis a-rag dha eskerens, hag i orth dha helghya? Po a vydh tri dydh a bla y'th tir? Lemmyn preder hag ervir py gorthyp y rov dhodho ev neb a'm dannvonas.’

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

1 Myghternedh 18:2

Ytho Elias eth hag omdhiskwedhes dhe Ahab. An divoetter o sevur yn Samaria.

2 Myghternedh 4:18

Wosa an flogh dhe devi, ev eth yn-mes unn jydh dh'y das esa gans an vysoryon.

2 Myghternedh 4:36

Ev a elwis orth Gehazi ha leverel, ‘Galw an Shunammyades ma.’ Ytho ev a elwis orti. Pan dheuth hi a-bervedh dhodho ev a leveris, ‘Kemmer dha vab.’

2 Myghternedh 4:38

Elisha a dheuth arta dhe Gilgal hag yth esa divoetter y'n pow. Pan esa mebyon an brofoesi owth esedha a-ragdho, yn-medh ev dh'y was, ‘Gorr an galter veur war an tan ha bryjyon bros rag mebyon an brofoesi.’

2 Myghternedh 7:20

Hag yndella y hwarva dhodho; an bobel a stankyas warnodho y'n yet hag ev a verwis.

2 Myghternedh 8:2

Ytho an venyn a sevis ha gul herwydh ger gour Duw; hi eth gans hy mayni ha triga yn pow an Filistysi dre seyth blydhen.’

Salmow 105:16

Hag ev a elwis esow war an tir, ha terri pub lorgh a vara.

Salmow 107:34

Ev a wra dhe dir leun a frut bos difeythtir, drefenn sherewneth an re usi trigys ynno.

Yeremia 25:29

Otta, yth esov ow talleth dri drogedh war an sita may feu ow hanow gelwys warnedhi, hag a vydhowgh digeredh yn tien? Ny vydhowgh digeredh, rag yth esov ow kelwel kledha erbynn oll annedhysi an nor, yn-medh Arloedh an luyow.

Levitikus 26:26

Ha pan wrylliv vy terri gwelenn agas bara, deg benyn a wra pobas agas bara yn unn forn, hag i a dhaskorr dhywgh agas bara orth poes, ha hwi a'n deber ha ny vydh lowr ragowgh.

Amos 4:6

Mes my a ros dhywgh glanythter a dhyns yn agas sitys oll ha fowt a vara yn agas tylleryow oll, ha ny dhehwelsowgh dhymm, yn-medh an Arloedh.

Haggay 1:11

Ha my a elwis rag syghor war an tir, war an menydhyow, ha war an ys, war an gwin nowydh, ha war an oyl, ha war an pyth a wra an dor y dhri mes, war dus, ha war warthek ha war oll an askorr a lavur diwleuv.

Luk 21:11

y fydh dorgrysyow meur, ha divoetter ha plagys yn lies le, hag y fydh hwarvosow euthyk ha toknys meur dhiworth nev.

Luk 21:22

rag hemm yw dydhyow a gessydhyans, pan vydh kowlwrys pup-tra a veu skrifys.

Luk 4:25

Mes dhe wir my a lever dhywgh, yth esa lies gwedhwes yn dydhyow Elias yn Ysrael, pan veu an nev kes teyr blydhen ha hwegh mis, may feu divoetter meur war oll an tir.

Oberow 11:28

hag onan anedha henwys Agabus a sevis yn-bann, ha dargana der an Spyrys y fedha divoetter meur dres oll an norvys; hemma a hwarva yn termyn Klawdius.

Ruth 1:1

Ha dell hwarva yn dydhyow rewl an vreusysi, yth esa divoetter y'n tir, ha gour a Bethlehem-yuda eth dhe wodriga yn tiredh Moab, ev ha'y wreg ha'y dhew vab.