2 Myghternedh 7:8 - An Bibel Kernewek 20234 (Kernewek Kemmyn)

⁸ An glavorogyon na a dheuth dhe amal an kamp, ha mos yn unn tylda. I a dhybris hag eva, ha doen alena arghans hag owr ha dillas, ha mos dh'aga hudha, ha dos arta hag entra yn tylda arall ha doen taklow alena ynwedh ha mos dh'aga hudha.

2 Myghternedh 7:8 ပူးပေါင်းရင်းမြစ်များ

2 Myghternedh 5:24

Ha pan dheuth ev dhe vre an sita ev a's kemmeras dhiworth aga diwla ha'ga gorra y'n chi; hag ev a's gasas dhe vos, hag i a dhibarthas.

2 Myghternedh 7:9

Ena i a leveris an eyl dh'y gila, ‘Kamm yw an pyth a wren. Dydh a nowodhow da yw an jydh ma. Mar tewyn ha gortos an bora ni a vydh dhe vlamya; ytho deun ha derivas dhe vayni an myghtern.’

Ysay 33:23

Dha lovanweyth a greg lows, ny yllons synsi fast sel aga gwern, na gwitha an goel lesys yn-mes. Ena preydh pals a vydh kevrennys; hwath evredhyon a yll pylla.

Yeremia 41:8

Mes yth esa deg gwer kevys yn aga mysk neb a leveris dhe Yshmael, ‘Na'gan ladh, rag ni a'gan beus y'n parkow tresoryow kudhys a waneth, heydh, oyl ha mel.’ Ytho ev a hedhis, ha ny's ladhas war-barth gans aga breder.

Matthew 13:44

‘Arta, haval yw gwlaskor nev dhe dresor kelys yn gwel, ha den pan y'n kavas, a'n kudhas, hag yn y lowender, yth eth dhe wertha oll y byth ha prena an gwel na.

Matthew 25:18

Mes ev neb a gavas an unn talent eth ha palas toll y'n dor ha kudha mona y vester.

Yoshua 7:21

pan welis y'n preydh mantell deg a Shinar, ha dew kans shekel a arghans, ha barr a owr deg ha dew-ugens shekel y boes, my a's hwansas ha'ga hemmeres. Kudhys yns y'n dor a-ji dhe'm tylda, gans an arghans a-woeles.’