2 Myghternedh 7:6 - An Bibel Kernewek 20234 (Kernewek Kemmyn)

⁶ Rag an Arloedh re wrussa dhe lu Aram klewes son charettow, son mergh, ha son lu bras, may lavarsons an eyl dh'y gila, ‘Otta, myghtern Ysrael re wobrenas er agan pynn myghternedh an Hittysi, ha myghternedh Ejyp dhe vatalyas orthyn.’

2 Myghternedh 7:6 ပူးပေါင်းရင်းမြစ်များ

2 Samuel 10:6

Pan welas an Ammonysi i dhe vos kasadow dherag Davydh, an Ammonysi a dhannvonas hag arveth Aramysi Beth-rehob hag Aramysi Soba, ugens mil droesek, ha dhiworth myghtern Maaka mil wour, ha dhiworth governour Tob, dewdhek mil wour.

2 Samuel 5:24

Pan glewydh son avel keskerdh yn penn an gwydh balsam, bydh hewoel; rag ena an Arloedh res eth yn-mes a-dheragos, dhe weskel lu an Filistysi.’

1 Myghternedh 10:29

Yth esa charettow ynperthys dhiworth Ejyp a hwegh kans shekel, ha mergh a unn kans ha hanter-kans. Ynwedh i a's gwertha avel maynoryon dhe oll myghternedh an Hittysi ha dhe vyghternedh Aram.

1 Myghternedh 20:20

Hag i a ladhas peub y wour; Aram a fias hag Ysrael a jasyas war aga lergh, mes Ben-hadad myghtern Aram a dhienkas war vargh gans re a'n varghogyon.

2 Myghternedh 19:7

Ottavy ow korra ynno spyrys, ha pan glew kyhwedhel ev a dhehwel dh'y bow y honan; ha my a wra dhodho koedha der an kledha yn y bow y honan.” ’

2 Myghternedh 7:5

Ytho i a sevis d'wor' an nos rag mos dhe gamp Aram; mes pan dheuthons dhe amal kamp Aram nyns esa denvyth ena vytholl.

Job 15:21

Yma sonyow euthyk yn y dhiwskovarn; yn sewena an distruer a dheu warnodho.

Salmow 14:5

Ena yth esens i yn own bras, rag yma Duw gans henedh an dus wiryon.

Ysay 31:1

Go-i an re a dhiyskynn dhe Ejyp rag gweres, ha kregi war vergh, ha trestya yn charettow rag aga bos lies, hag yn marghogyon rag aga bos pur nerthek, mes ny virons orth Sans Ysrael, na ny hwilons an Arloedh.

Ysay 36:9

Fatell yllydh treylya dhe-ves fas unn soedhek yn mysk an lyha a servysi ow arloedh, ha ty ow fydhya yn Ejyp rag charettow ha marghogyon?

Yeremia 46:21

Ynwedh hy gwer arvethys yn hy kres yw avel leughi peskys; rag i ynwedh re dreylyas ha fia war-barth, ny sevsons; rag dydh aga therroes re dheuth warnedha, ha termyn aga hessydhyans.

Ezekiel 1:24

My a glewas son aga eskelli, avel son dowrow pals, hag i ow mos, avel lev an Ollgalloesek, son tervans lu. Pan sevens, i a asa aga eskelli dhe goedha.

Ezekiel 10:5

Son eskelli an cherubim o klewys bys y'n klos a-ves, kepar ha lev Duw Ollgalloesek pan usi ow kewsel.

Diskwedhyans 9:9

Ha lurigow esa dhedha kepar ha lurigow a horn, ha son aga eskelli o kepar ha son lies charett gans mergh ow resek dhe gas.

Breusysi 7:21

Pub gour a sevi yn y le a-dro dhe'n kamp, hag oll an dus yn kamp a boenyas; i a grias yn ughel ha fia dhe'n fo.

1 Samuel 14:15

Yth esa kren y'n lu, y'n gwel, hag yn mysk oll an bobel; an savla-goelyadoryon, bagas an ravnoryon a grenas ynwedh, ha'n dor a grysyas; hag y teuth ha bos skruth pur vras.

1 Samuel 26:6

Ena Davydh a leveris dhe Ahimelek an Hittyas, ha dhe Abishay mab Seruya, broder Yoab, ‘Piw a vynn mones yn-nans genev a-ji dhe'n kamp dhe Sowl?’ Hag Abishay a worthybis, ‘My a vynn mones genes.’