2 Myghternedh 7:13 - An Bibel Kernewek 20234 (Kernewek Kemmyn)

¹³ Onan a'y wesyon a worthybis, ‘Kemerryn, my a'th pys, pymp a'n vergh yw gesys; an re yw gesys a berth an keth tenkys hag oll an Ysraelysi yw gesys; mar merwons i a vydh haval dhe oll an Ysraelysi a verwis. Gas ni dh'aga dannvon, ha gweles.’

2 Myghternedh 7:13 ပူးပေါင်းရင်းမြစ်များ

2 Myghternedh 5:13

Mes y wesyon a dheuth dhodho ha leverel, ‘Ow thas, mara'th pyssa an profoes a wul neppyth kales, a ny wrusses y wul? Pygemmys moy pan lever ev dhis, “Omwolgh ha bydh glan”?’

2 Myghternedh 6:33

Pan esa hwath ow kewsel orta, otta, an myghtern a dheuth yn-nans dhodho ha leverel, ‘Dhiworth an Arloedh yw an trobel ma. Prag y tal dhymm gortos an Arloedh pella?’

2 Myghternedh 7:12

An myghtern a sevis y'n nos ha leverel dh'y wesyon, ‘My a diskwedh dhywgh lemmyn an pyth re wrug Aram dhyn. I a woer agan bos ow famya; rakhenna i res eth yn-mes a'n kamp rag omgudha y'n gwel, ow leverel, “Pan dhons yn-mes a'n sita, ni a wra aga hachya yn few, ha mos y'n sita.” ’

2 Myghternedh 7:14

Ytho i a dhewisas dew varghek, ha'n myghtern a's dannvonas war-lergh lu Aram, ow leverel, ‘Kewgh ha gwelewgh.’

2 Myghternedh 7:4

Mar leveryn, “Ni a enter y'n sita,” yma'n divoetter y'n sita ha ni a verow ena. Ha mar esedhyn omma, ni a verow ynwedh. Ytho deun, ha kilfia dhe gamp Aram; mara'gan sawyons yn few, ni a wra bewa; ha mara'gan ladhons ny wren marnas merwel.’

Yeremia 14:18

Mars av yn-rag dhe'n mes, otta an re ledhys gans an kledha! Ha mars av a-ji dhe'n sita, otta an re yw klav gans divoetter. Rag an profoes ha'n oferyas re wandras dhe dir na wodhons.

Kynvannow 4:9

Gwynnvys an re yw ledhys gans an kledha drefenn fowt askorr an gwel.