2 Myghternedh 6:8 - An Bibel Kernewek 20234 (Kernewek Kemmyn)

⁸ Pup-prys pan esa myghtern Aram ow kwerrya erbynn Ysrael ev a omgusulya gans y wesyon, ow leverel y fedha y gamp yn neb tyller po arall.

2 Myghternedh 6:8 ပူးပေါင်းရင်းမြစ်များ

1 Myghternedh 20:1

Ben-hadad myghtern Aram a guntellas war-barth oll y lu; yth esa dewdhek warn ugens myghtern ganso, keffrys ha mergh ha charettow. Ev eth yn-bann erbynn Samaria ha gorra esedhva warnedhi ha'y gweskel.

1 Myghternedh 20:23

Gwesyon myghtern Aram a leveris dhodho, ‘Aga duwow yw duwow a'n menydhyow, hag yndellma i o kreffa agesson; mes gas ni dhe vatalyas orta y'n gwastattir, hag yn sur ni a vydh kreffa agessa.

1 Myghternedh 20:34

Ben-hadad a leveris dhodho, ‘My a dhaswra an trevow a gemmeras ow thas a-dhiworth dha das; ha ty a yll fondya marghasow ragos dha honan yn Damaskus, par dell wrug ow thas yn Samaria.’ Myghtern Ysrael a worthybis, ‘My a'th tannvon dhe-ves gans an kevambos ma.’ Ytho ev a wrug kevambos ganso ha'y asa dhe vos.

1 Myghternedh 22:1

Teyr blydhen nyns esa bresel yntra Aram hag Ysrael.

1 Myghternedh 22:31

Mes myghtern Aram re worhemmynnsa dhe'n dewdhek kapten warn ugens a'y jarettow, ‘Na omledhewgh gans nagonan byghan na meur, marnas gans myghtern Ysrael.’

2 Myghternedh 6:24

Wosa hemma Ben-hadad, myghtern Aram, a guntellas oll y lu hag yskynna ha gul esedhva war Samaria.

2 Myghternedh 6:7

Yn-medh ev, ‘Kemmer e.’ Hag ev a ystynnas y leuv ha'y gemmeres.

2 Myghternedh 6:9

Mes gour Duw a dhannvonas messaj dhe vyghtern Ysrael, ow leverel, ‘Bydh war na dremenydh an tyller na; rag yma Aram ow mos ena.’

Lavarow Koth 20:18

Towlow yw fondys dre gusul; gwra gwerrya dre gevarwoedhyans fur.

Lavarow Koth 21:30

Nyns eus na furneth, na konvedhes na kusul a yll sevel erbynn an Arloedh.

Ysay 8:10

Omgusulyewgh war-barth, ha'n gusul a vydh lestys; leverewgh ger, ha ny sev, rag bos Duw genen.