2 Myghternedh 6:6 - An Bibel Kernewek 20234 (Kernewek Kemmyn)

⁶ Gour Duw a leveris, ‘Ple koedhas?’ Hag ev a dhiskwedhas dhodho an tyller. Ev a droghas gwelenn, ha'y thewlel di, ha henna a wrug dhe'n horn neuvella.

2 Myghternedh 6:6 ပူးပေါင်းရင်းမြစ်များ

2 Myghternedh 2:21

Ev eth yn-mes dhe fenten an dowr ha tewlel hoelan ynni ha leverel, ‘Yndellma y lever an Arloedh, “My re burhas an dowr ma; ny vydh a-dhiworta mernans na difroethter na fella.” ’

2 Myghternedh 4:41

Ena ev a leveris, ‘Drewgh bleus.’ Hag ev a'n tewlis y'n galter ha leverel, ‘Diver e rag an bobel may hallens dybri.’ Ha nyns esa dregynn y'n galter.

2 Myghternedh 6:5

Mes, hag onan ow kul keber dhe goedha, penn an voel a goedhas y'n dowr; ev a armas ha leverel, ‘Soweth, a vester! Rag chevisys veu.’

2 Myghternedh 6:7

Yn-medh ev, ‘Kemmer e.’ Hag ev a ystynnas y leuv ha'y gemmeres.

Eksodus 15:25

Hag ev a grias war an Arloedh; ha'n Arloedh a dhiskwedhas dhodho gwydhenn hag ev a's tewlis y'n dowr, ha'n dowr eth ha bos hweg. Ena an Arloedh a wrug dhedha ordenans ha lagha hag ena ev a's provas,