2 Myghternedh 6:33 - An Bibel Kernewek 20234 (Kernewek Kemmyn)

³³ Pan esa hwath ow kewsel orta, otta, an myghtern a dheuth yn-nans dhodho ha leverel, ‘Dhiworth an Arloedh yw an trobel ma. Prag y tal dhymm gortos an Arloedh pella?’

2 Myghternedh 6:33 ပူးပေါင်းရင်းမြစ်များ

Jenesis 4:13

Hag yn-medh Kayn dhe'n Arloedh, ‘Brassa yw ow hessydhyans es dell allav y berthi.

2 Myghternedh 3:10

Ena yn-medh myghtern Ysrael, ‘Ellas! Ny wrug an Arloedh agan gelwel, an tri myghtern ma, marnas may hwrella agan ri yn leuv Moab.’

2 Myghternedh 7:1

Ena Elisha a leveris, ‘Klewewgh ger an ARLOEDH: yndellma y lever an Arloedh, “A-vorow, a-dro dhe'n eur ma, y fydh gwerthys sea a'n gwella blonek a shekel, ha dew sea a heydh a shekel, yn yet Samaria.” ’

Job 1:11

Mes ystynn dha leuv lemmyn, ha tochya pup-tra oll a'n jeves, hag ev a wra dha villiga y'th fas.’

Job 1:21

Hag ev a leveris, ‘Noeth y teuth vy dhiworth torr ow mamm, ha noeth y tehwelav ena; an Arloedh a ros, ha'n Arloedh re gemmeras dhe-ves; benniges re bo hanow an Arloedh.’

Job 15:13

may treylydh dha spyrys erbynn Duw, ha gasa dhe'n geryow na mos yn-mes a'th hanow?

Job 2:5

Mes ystynn dha leuv lemmyn, ha toch y askorn ha'y gig, hag ev a'th villik dhe'th fas.’

Job 2:9

Ena y wreg a leveris dhodho, ‘A withydh hwath yn fast dha lander? Millik Duw ha marw.’

Salmow 27:14

Gwra fydhya y'n Arloedh; bydh nerthek ha bedhes dha golonn konfortys; ha gorta an Arloedh.

Salmow 37:7

Bydh kosel a-dherag an Arloedh, ha gwra y wortos gans perthyans; na sorr drefenn an den a sewen yn y fordh, drefenn an gour a ober droktowlow.

Salmow 37:9

Rag drogoberoryon a vydh treghys dhe-ves, mes an re a drest y'n Arloedh, i a erit an tir.

Salmow 62:5

Ow enev, gorta Duw y honan, rag ynno ev yma ow govenek.

Lavarow Koth 19:3

Follneth den a wra y fordh kamm, ha'y golonn a serr orth an Arloedh.

Ysay 26:3

Ty a with yn kres perfydh an den yw fyrv y vrys, rag ev a drest ynnos.

Ysay 50:10

Piw yn aga mysk a berth own a'n Arloedh hag yw gostydh dhe lev y was? Ev neb a gerdh yn tewlder, neb na'n jeves golow, byttegyns ev a drest yn hanow an Arloedh, ha poesa war y Dhuw.

Ysay 8:17

My a worta an Arloedh neb a gudh y fas dhiworth chi Yakob, hag ynno y fydh ow govenek.

Ysay 8:21

Ev a dremen der an tir, duwenik ha nownek; ha rag bos dhedha nown, i a vydh serrys, hag ow mires war-vann i a volleth aga myghtern ha'ga Duw;

Yeremia 2:25

Gwith dha droes rag bos dieskis, ha'th vryansenn rag syghes: mes ty a leveris, ‘Nyns eus govenek, rag my re garas estrenyon, ha war aga lergh yth av.’

Kynvannow 3:37

Piw a yll gorhemmynn hag y fydh gwrys, mar ny'n ordenas an Arloedh?

Kynvannow 3:39

Prag y krodhvol den bew, gour, war gessydhyans y beghes?

Ezekiel 33:10

Ha ty, A vab den, lavar dhe ji Ysrael, Yndella y leversowgh, ‘Beghys on i gans agan kammweythresow ha'gan peghosow, ha ni a wra pedri ynna: ytho fatell vewyn?’

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

Habakkuk 2:3

Rag an welesigeth yw hwath rag termyn apoyntys; hi a fisten dhe'n diwedh, ha ny wowlever: kyn hok hi, rag hi a dheu yn surredi, ny dhelat hi.

Luk 18:1

Ev a dherivas parabolenn dhedha, bos res dhedha pysi pup-prys, heb bos digolonnek,

2 Korinthianys 2:11

ma na wrella Satnas agan treylya dh'y les y honan; rag nyns on ni heb godhvos a-dro dh'y dowlow.

2 Korinthianys 2:7

ytho lemmyn, yn le henna y tegoedh dhywgh gava dhodho ha'y gonfortya, ma na ve den a'n par na fethys dre alar re vras;

1 Samuel 31:4

Ena Sowl a leveris dhe dheger y arvow, ‘Tenn dha gledha ha'm gwana ganso ma na dheffo an wer antrodreghys ma ha'm gwana ha gul ges ahanav.’ Mes ny vynnas deger y arvow; drefenn ev dhe berthi own yn feur. Rakhenna Sowl a gemmeras y gledha y honan hag ev a goedhas warnodho.