2 Myghternedh 6:32 - An Bibel Kernewek 20234 (Kernewek Kemmyn)

³² Mes Elisha a esedhas yn y ji hag yth esa an henavogyon owth esedha ganso. An myghtern re dhannvonsa gour, mes kyns an gannas dhe dhos, Elisha a leveris dhe'n henavogyon, ‘A welowgh fatell dhannvonas an mab a voldrer ma nebonan rag kemmeres dhe-ves ow fenn? Mirewgh, pan dheu an gannas, degeewgh an daras ha'y synsi fast er y bynn. A nyns yw son treys y vester war y lergh?’

2 Myghternedh 6:32 ပူးပေါင်းရင်းမြစ်များ

1 Myghternedh 14:6

Mes pan glewas Ahiya son hy threys, dell dheuth a-ji dhe'n daras, ev a leveris, ‘Deus a-ji, ty wreg Yeroboam; prag yth esos owth omdoellwiska? Rag dannvenys ov gans yeyn nowodhow ragos.

1 Myghternedh 18:4

pan esa Yezebel ow ladha profoesi an Arloedh, Obadia a gemmersa kans profoes, aga hudha yn mogowyow, hanter kans yn pubonan, ha'ga sostena gans bara ha dowr.

1 Myghternedh 21:10

settyewgh dew vilen a-dal dhodho dhe dhustunia er y bynn, ow leverel, “Ty re vollethis Duw ha'n myghtern.” Ena degewgh e yn-mes, ha'y labydha bys y'n mernans.’

1 Myghternedh 21:13

An dhew vilen a dheuth a-ji hag esedha a-dal dhodho; ha'n vilens a dhustunias erbynn Naboth yn lok an bobel, ow leverel, ‘Naboth a vollethis Duw ha'n myghtern.’ Ytho i a'n dug yn-mes a'n sita ha'y labydha bys y'n mernans.

1 Myghternedh 21:19

Ty a lever dhodho, ‘Yndellma y lever an Arloedh: A ledhsys, hag ynwedh kemmeres perghennogeth?’ Ty a lever dhodho, ‘Yndellma y lever an Arloedh: Y'n tyller may lapyas an keun goes Naboth, keun a lap dha woes ynwedh.’

2 Myghternedh 5:26

Mes ev a leveris dhodho, ‘A nyns eth ow holonn genes, pan dreylyas an gour dhiworth y jarett rag metya orthis? Yw hemma an termyn rag kemmeres arghans, ha rag kemmeres dillas, hag olewbrennyer, ha gwinbrennyer, ha deves, hag oghen, ha gwesyon ha maghtethyon?

2 Myghternedh 6:12

Hag onan a'y wesyon a leveris, ‘Denvyth, ow arloedh, a vyghtern. Mes Elisha, an profoes usi yn Ysrael, a lever dhe vyghtern Ysrael an geryow a gewsydh y'th chambour.’

2 Myghternedh 7:17

An myghtern re apoyntsa an kapten may poesa ev war y leuv, dhe gavoes charj a'n yet; ha'n bobel a stankyas warnodho y'n yet, hag ev a verwis, dell lavarsa gour Duw pan dheuth an myghtern yn-nans dhodho.

Yeremia 11:18

Ha'n Arloedh a ros dhymm godhvos anodho, ha my a'n godhva; ena ty a dhiskwedhas dhymm aga thebelwriansow.

Yeremia 32:3

le ma'n keas Sedekia myghtern Yuda, ow leverel, ‘Prag y profoesydh ha leverel: Yndellma y lever an Arloedh: My a re an sita ma yn leuv myghtern Babylon, hag ev a's kemmer;

Ezekiel 14:1

Gwer a henavogyon Ysrael a dheuth dhymm hag esedha a-ragov.

Ezekiel 20:1

Y'n seythves blydhen, y'n pympes mis, yn degves dydh an mis, gwer a henavogyon Ysrael a dheuth dhe hwilas kusul a'n Arloedh, hag i a esedhas a-ragov.

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Ezekiel 8:1

Y'n hweghves blydhen, y'n hweghves mis, yn pympes dydh an mis, ha my owth esedha y'm chi, ha henavogyon Yuda owth esedha a-ragov, leuv an Arloedh Duw a goedhas warnav ena.

Luk 13:32

Hag ev a leveris dhedha, ‘Kewgh dhe leverel dhe'n lowarn na, “Otta, my a dewl dywolow mes ha yaghhe tus hedhyw hag a-vorow, hag y'n tressa dydh my a gowlwra ow ober.