2 Myghternedh 6:31 - An Bibel Kernewek 20234 (Kernewek Kemmyn)

³¹ Hag ev a leveris, ‘Re wrello Duw yndella dhymm ha moy ynwedh, mar pes penn Elisha mab Shafat war y dhiwskoedh hedhyw.’

2 Myghternedh 6:31 ပူးပေါင်းရင်းမြစ်များ

2 Samuel 19:13

Ha leverewgh dhe Amasa, “A nyns osta ow askorn ha'm hig? Re wrello Duw dhymm, ha moy ynwedh, mar ny vydhydh kaslewydh ow lu a-ragov prest yn le Yoab.” ’

2 Samuel 3:35

Ena oll an bobel a dheuth dhe wul dhe Davydh dybri boes pan o hwath dydh; mes Davydh a dos, ha leverel, ‘Yndella re wrello Duw dhymm, ha moy ynwedh, mar plasav bara po neppyth arall kyns an howl dhe sedhi!’

2 Samuel 3:9

Re wrello Duw yndella dhe Abner, ha moy ynwedh. Rag kepar dell dos an Arloedh dhe Davydh, an keth henna my a wra ragdho,

1 Myghternedh 18:17

Pan welas Elias, Ahab a leveris dhodho, ‘Yw ty, neb a drobel Ysrael?’

1 Myghternedh 19:2

Ena Yezebel a dhannvonas kannas dhe Elias, ow leverel, ‘Yndellma re wrello an duwow dhymm, ha moy keffrys, mar ny wrav dha vewnans avel bewnans onan anedha erbynn an termyn ma a-vorow.’

1 Myghternedh 2:23

Ena myghtern Solomon a dos re'n Arloedh, ow leverel, ‘Re wrello Duw dhymm yndella ha moy ynwedh, mar ny gewsis Adoniya an ger ma erbynn y vewnans y honan.

1 Myghternedh 20:10

Ben-hadad a dhannvonas dhodho ha leverel, ‘Re wrello an duwow yndellma dhymm, ha moy keffrys, mars eus doust lowr gesys yn Samaria dhe ri dornas dhe bubonan a'n bobel a'm siw.’

1 Myghternedh 22:8

Myghtern Ysrael a leveris dhe Yehoshafat, ‘Yma hwath ken onan may kovynnyn a'n Arloedh dredho, Mikaya mab Ymla; mes my a'n kas, rag ny dhargan dader dhymm, marnas drog.’ Yehoshafat a leveris, ‘Na leveres an myghtern tra a'n par na.’

2 Myghternedh 5:20

Gehazi, gwas Elisha, gour Duw, a leveris dh'y honan, ‘Ow mester re sparyas Naaman an Aramyas ma, drefenn na dhegemmeras dhiworth y dhiwla an pyth a brofyas ev. Dell vew an Arloedh, my a wra poenya war y lergh ha kemmeres neppyth a-dhiworto.’

Lavarow Koth 16:14

Sorr myghtern yw kannas ankow, ha gour fur a'n diserr.

Yeremia 38:4

Ytho an bennsevigyon a leveris dhe'n myghtern, ‘Ny a'th pys, gas an gour ma dhe vos gorrys dhe'n mernans, drefenn ev dhe wannhe an soudoryon yw gesys y'n sita ma ha diwleuv oll an bobel, dre gewsel geryow a'n par ma dhedha. Rag ny hwila an gour ma sewena an bobel ma, mes aga fystik.’

Yowann 11:50

na ny reknowgh bos 'vas dhywgh, unn den dhe verwel rag an bobel, ma nag ello oll an genedhel dhe goll.’

Ruth 1:17

Plepynag y ferwi y farwav, hag ena y fydhav ynkleudhys; hemma re wrello an Arloedh dhymm ha moy yn ta, mar kwra travyth saw ankow y honan gul dibarth yntra ty ha my.’

1 Samuel 14:44

Ha Sowl a worthybis, ‘Re wrello Duw yndella dhymm ha moy ynwedh; ty a verow yn sur, Yonathan.’

1 Samuel 25:22

Re wrello Duw yndella ha moy ynwedh dhe eskerens Davydh mar kasav a oll a bew ev bys yn golow myttin kemmys hag unn gour neb a bis erbynn fos.’

1 Samuel 3:17

Yn-medh ev, ‘Pandr'yw an pyth a leveris an Arloedh dhis? My a'th pys na gudh ev a-dhiworthiv. Re wrello Duw yndella dhis ha moy ynwedh, mar kudhydh neppyth a-dhiworthiv a oll an taklow a leveris ev dhis.’