2 Myghternedh 6:17 - An Bibel Kernewek 20234 (Kernewek Kemmyn)

¹⁷ Ena Elisha a bysis, ha leverel, ‘ARLOEDH, my a'th pys, igor y dhewlagas may hallo gweles.’ Ha'n Arloedh a igoras dewlagas an gour yowynk, hag ev a welas; leun o an menydh a vergh ha charettow a dan oll a-dro dhe Elisha.

2 Myghternedh 6:17 ပူးပေါင်းရင်းမြစ်များ

Jenesis 21:19

Ha Duw a igoras hy dhewlagas ha hi a welas puth dowr; hi eth, ha lenwel an groghen a dhowr ha'y ri dhe'n maw dhe eva.

Jenesis 32:1

Ha Yakob a besyas mos war y fordh hag eledh Duw a dheuth er y bynn.

Jenesis 32:2

Hag yn-medh Yakob, pan y's gwelas, ‘Kamp Duw yw hemma’, hag ev a elwis hanow an tyller na, Mahanaym.

Jenesis 32:3

Ha Yakob a dhannvonas kannasow a-dheragdho dhe Esaw y vroder, dhe bow Seir, gwel Edom,

2 Myghternedh 2:11

Hag y hwarva, hag i ow mos yn-rag ha kewsel, otta, charett a dan ha mergh a dan a's dibarthas an eyl dhiworth y gila, hag Elias eth yn-bann gans korwyns a-berth y'n nev.

Salmow 104:3

neb a worr kebrow y jambouryow y'n dowrow, hag a wra an kommol y jarett, hag a gerdh war eskelli an gwyns;

Salmow 104:4

Ev a wra y eledh spyrysyon, ha'y venystrys tan ow flammya.

Salmow 119:18

Igor ow dewlagas may hwelliv marthusyon dha lagha.

Salmow 125:2

Kepar dell sev an menydhyow a-dro dhe Yerusalem, yn kettella y sev an Arloedh a-dro dh'y bobel, alemma rag ha bys vykken.

Salmow 34:7

El an Arloedh a gamp a-dro dhe'n re a berth own anodho hag ev a's delirv.

Salmow 68:17

Charettow Duw yw ugens mil, ha milyow a vilyow; yma an Arloedh yn aga mysk, avel yn Sinay, y'n sentri.

Salmow 91:11

Rag ev a re gorhemmynn dh'y eledh a-dro dhis ma'th witthons jy yn oll dha fordhow.

Salmow 91:15

Ev a elow warnav ha my a worthyp dhodho; yth esov ganso yn anken, my a'n delirv ha'y enora.

Ysay 42:7

rag igeri an dhewlagas dhall, dhe dhoen yn-mes an brisnoryon a'n vagh, dhiworth an prison an re a esedh yn tewlder.

Daniel 10:7

Ha my, Daniel unnsel a welas an welesigeth; an dus esa genev ny welsons an welesigeth, mes kren bras a goedhas warnedha, hag y teghsons rag omgudha.

Zekaria 1:8

Y'n nos my a viras, hag otta gour ow marghogeth war vargh rudh, ow sevel yn mysk an myrtwydh yn kownans, hag a-dryv dhodho mergh rudh, gorm ha gwynn.

Niverow 22:31

Ena an Arloedh a igoras dewlagas Balaam, hag ev a welas el an Arloedh, ow sevel y'n fordh, ha'y gledha noeth yn y dhorn; hag ev a omblegyas, ha koedha war y fas.

Matthew 26:53

Po a dybydh jy na allav pysi ow Thas, hag ev a dhannvon dhymm lemmyn moy ages dewdhek lyjyon a eledh?

Oberow 26:18

rag igeri aga dewlagas, may treyllyons dhiworth tewlder dhe wolow, ha dhiworth awtorita Satnas dhe Dhuw, may tegemmerrons gevyans a beghosow, ha kevrenn yn mysk an re sanshes dre fydh ynnov vy.”

Efesianys 1:18

golowys dewlagas agas kolonn, may hwodhvewgh pyth yw govenek y alow, pyth yw rychys splannder y eretons y'n syns,

Ebrowyon 1:14

A nyns yns i oll spyrysyon menystra dannvenys rag gonis, a-barth an re a wra erita selwyans?

Diskwedhyans 19:11

Ha my a welas nev igerys, hag otta, margh gwynn hag ev neb o esedhys warnodho o henwys Len ha Gwir, hag yn ewnder ev a vreus ha gwerrya.

Diskwedhyans 19:14

Ha'n luyow esa yn nev a'n siwyas war vergh gwynn, gwiskys yn sendal, gwynn ha glan.

Diskwedhyans 3:7

‘Ha dhe el an eglos yn Filadelfia skrif: An taklow ma a lever neb yw sans, neb yw gwir, neb a'n jeves alhwedh Davydh, neb a iger, ha denvyth ny dhege, ha degea ha denvyth ny iger: