2 Myghternedh 6:15 - An Bibel Kernewek 20234 (Kernewek Kemmyn)

¹⁵ Pan sevis gwas gour Duw myttin a-varr, ha mos yn-mes, otta, yth esa lu ow kyrghynna an sita, gans mergh ha charettow. Y was a leveris dhodho, ‘Ellas, ow mester! Pandr'a wren?’

2 Myghternedh 6:15 ပူးပေါင်းရင်းမြစ်များ

1 Myghternedh 19:21

Ev a dhehwelis a'y siwya, kemmeres yew a'n oghen, ha'ga ladha; ev a vrojyas aga hig gans daffar an oghen, ha'y ri dhe'n bobel, hag i a dhybris. Ena ev a sevis ha mos wosa Elias, ha menystra dhodho.

2 Myghternedh 3:11

Mes Yehoshafat a leveris, ‘A nyns eus omma profoes an Arloedh may hyllyn dredho hwilas dhiworth an Arloedh?’ Ena onan a wesyon myghtern Ysrael a worthybis, ‘Yma Elisha mab Shafat, omma, neb a dhiveri dowr war dhiwla Elias.’

2 Myghternedh 5:20

Gehazi, gwas Elisha, gour Duw, a leveris dh'y honan, ‘Ow mester re sparyas Naaman an Aramyas ma, drefenn na dhegemmeras dhiworth y dhiwla an pyth a brofyas ev. Dell vew an Arloedh, my a wra poenya war y lergh ha kemmeres neppyth a-dhiworto.’

2 Myghternedh 5:27

Rakhenna lovryjyon Naaman a wra glena dhis, ha dhe'th hasenn bys vykken.’ Hag ev eth yn-mes klavorek dhiworth y lok, mar wynn avel an ergh.

2 Myghternedh 6:14

Rakhenna ev a dhannvonas di mergh ha charettow ha lu bras; hag i a dheuth y'n nos ha kyrghynna an sita.

2 Myghternedh 6:16

Ev a worthybis, ‘Na borth own, rag an re usi genen yw moy ages an re usi gansa.’

2 Myghternedh 6:5

Mes, hag onan ow kul keber dhe goedha, penn an voel a goedhas y'n dowr; ev a armas ha leverel, ‘Soweth, a vester! Rag chevisys veu.’

2 Kroniklys 20:12

A agan Duw ni, a ny wredh breus warnedha? Rag ni yw dialloes erbynn an routh vras ma, re dheuth er agan pynn. Ny wodhon pyth dhe wul, mes yma agan dewlagas warnas.’

Salmow 53:5

Ena yth esens i yn own bras yn tyller ma nag esa own; rag Duw re skattras eskern an den a gampyas a-dro dhis; ty re wrug mewl dhedha, rag Duw dh'aga dispresya.

Eksodus 24:13

Ytho Moyses a sevis gans y venyster Yoshua, ha Moyses a yskynnas dhe venydh Duw.

Matthew 8:26

Yn-medh ev dhedha, ‘Prag yth owgh hwi mar ownek, hwi a voghes fydh?’ Ena ev a sevis ha keredhi an gwynsow ha'n mor, hag y feu kalmynsi meur.

Oberow 13:5

Ha pan dheuthons bys yn Salamis i a bregowthas ger Duw yn synagys an Yedhewon; hag yth esa Yowann gansa rag aga gweres.