2 Myghternedh 6:14 - An Bibel Kernewek 20234 (Kernewek Kemmyn)

¹⁴ Rakhenna ev a dhannvonas di mergh ha charettow ha lu bras; hag i a dheuth y'n nos ha kyrghynna an sita.

2 Myghternedh 6:14 ပူးပေါင်းရင်းမြစ်များ

2 Myghternedh 18:17

Myghtern Assyria a dhannvonas an pennkaslewydh ha'n Rabsaris ha'n Rabshake dhiworth Lakish dhe vyghtern Hezekia gans lu bras erbynn Yerusalem. Hag i eth yn-bann ha dos dhe Yerusalem. Wosa dos yn-bann i a dheuth ha sevel ryb dowrbons an poll gwartha, hag usi yn fordh Park an Troghyer.

2 Myghternedh 6:13

Ev a leveris, ‘Ke ha hwilas le may ma ev, may hylliv dannvon tus dh'y sesya.’ Leverys veu dhodho, ‘Yma ev yn Dothan.’

2 Myghternedh 6:15

Pan sevis gwas gour Duw myttin a-varr, ha mos yn-mes, otta, yth esa lu ow kyrghynna an sita, gans mergh ha charettow. Y was a leveris dhodho, ‘Ellas, ow mester! Pandr'a wren?’

Matthew 26:47

Hag ev hwath ow kewsel, otta, Yudas, onan a'n dewdhek a dheuth, ha ganso routh veur ow toen kledhedhyow ha fustow, dhiworth an bennoferysi ha henavogyon an bobel.

Matthew 26:55

Y'n eur na Yesu a leveris dhe'n routhow, ‘A dheuthewgh hwi yn-mes gans kledhedhyow ha fustow dhe'm dalghenna kepar dell ve erbynn lader? Yth en esedhys y'n tempel pub dydh ow tyski ha ny wrussowgh ow dalghenna.

Luk 21:20

‘Mes pan welowgh Yerusalem settys a-dro gans luyow, ena hwi a woer hi dhe vos difeythys yn skon.

1 Samuel 23:26

Sowl eth an tu ma a'n menydh, ha Davydh ha'y wer a'n tu arall a'n menydh. Yth esa Davydh ow fistena dhe vos dhe-ves dhiworth Sowl, ha Sowl ha'y wer a omsettyas a-dro dhe Davydh ha'y wer dh'aga hemmeres.

1 Samuel 24:2

Ena Sowl a gemmeras tri mil wour dewisys mes a oll Ysrael, ha mos dhe hwilas Davydh ha'y wer war garregi an gever gwyls.