2 Myghternedh 6:12 - An Bibel Kernewek 20234 (Kernewek Kemmyn)

¹² Hag onan a'y wesyon a leveris, ‘Denvyth, ow arloedh, a vyghtern. Mes Elisha, an profoes usi yn Ysrael, a lever dhe vyghtern Ysrael an geryow a gewsydh y'th chambour.’

2 Myghternedh 6:12 ပူးပေါင်းရင်းမြစ်များ

Amos 3:7

Yredi ny wra an Arloedh Duw travyth heb diskudha y dowl kudh dh'y servysi an brofoesi.

Daniel 2:47

Yn-medh an myghtern dhe Daniel, ‘Yn hwir yth yw dha Dhuw Duw a dhuwow, hag Arloedh a vyghternedh, ha diskudher a gevrinyow, rag ty re allas diskudha an kevrin ma.’

Ysay 29:15

Go-i an re a gudh aga husul yn town dhiworth an Arloedh ha gul aga oberow y'n tewlder; yn-medhons, ‘Piw a'gan gwel? Piw a'gan aswonn?’

Ekklesiastes 10:20

Na volloth myghtern na hwath y'th prederow, ha na volloth den rych y'th chambour, rag edhen a'n nevow a yll degi dha lev a-dro, ha nebonan gans eskelli a yll derivas dha eryow.

2 Myghternedh 5:3

Hi a leveris dh'y mestres, ‘Unnweyth a pe ow arloedh gans an profoes usi yn Samaria! Ev a'n yaghhasa a'y lovryjyon.’

2 Myghternedh 5:8

Pan glewas Elisha, gour Duw, myghtern Ysrael dhe skwardya y dhillas, ev a dhannvonas messaj dhe'n myghtern ow leverel, ‘Prag y skwardsys dha dhillas? Des lemmyn dhymm hag ev a wra godhvos bos profoes yn Ysrael.’

Eksodus 8:3

kwilkynyow a wra hesya y'n avon hag i a wra dos bys y'th chi, a-ji dhe'th chambour ha war dha weli, hag a-ji dhe ji dha servysi ha'th pobel, hag a-ji dhe'th fornow ha'th newyow-toesa;

2 Myghternedh 6:11

Ytho pur droblys o kolonn myghtern Aram drefenn hemma; ev a elwis y wesyon ha leverel dhedha, ‘A ny dhiskwedhowgh dhymm piw ahanan usi ow skoedhya myghtern Ysrael?’

2 Myghternedh 6:13

Ev a leveris, ‘Ke ha hwilas le may ma ev, may hylliv dannvon tus dh'y sesya.’ Leverys veu dhodho, ‘Yma ev yn Dothan.’

2 Myghternedh 5:26

Mes ev a leveris dhodho, ‘A nyns eth ow holonn genes, pan dreylyas an gour dhiworth y jarett rag metya orthis? Yw hemma an termyn rag kemmeres arghans, ha rag kemmeres dillas, hag olewbrennyer, ha gwinbrennyer, ha deves, hag oghen, ha gwesyon ha maghtethyon?

Lavarow Koth 21:30

Nyns eus na furneth, na konvedhes na kusul a yll sevel erbynn an Arloedh.

Ysay 8:10

Omgusulyewgh war-barth, ha'n gusul a vydh lestys; leverewgh ger, ha ny sev, rag bos Duw genen.