2 Myghternedh 6:1 - An Bibel Kernewek 20234 (Kernewek Kemmyn)

¹ Mebyon an brofoesi a leveris dhe Elisha, ‘Mir lemmyn, an tyller le may trigyn genes yw re vyghan ragon.

2 Myghternedh 6:1 ပူးပေါင်းရင်းမြစ်များ

1 Myghternedh 20:35

Orth gorhemmynn an Arloedh unn esel a gowetha an brofoesi a leveris dh'y gila, ‘Gwask vy!’ Mes an gour a naghas y weskel.

2 Myghternedh 2:15

Ha pan y'n gwelas mebyon an brofoesi re bia yn Yeriko, i a leveris, ‘Spyrys Elias a drig war Elisha.’ Hag i a dheuth dhe vetya orto hag omblegya dhe'n dor a-ragdho.

2 Myghternedh 2:3

Mebyon an brofoesi yn Bethel a dheuth yn-rag dhe Elisha ha leverel dhodho, ‘A wodhes an Arloedh dhe gemmeres dha vester dhiwarnas hedhyw?’ Ev a leveris, ‘Gonn, my a'n goer. Na leverewgh travyth.’

2 Myghternedh 2:5

Mebyon an brofoesi yn Yeriko a dheuth dhe Elisha ha leverel dhodho, ‘A wodhes an Arloedh dhe gemmeres dha vester dhiwarnas hedhyw?’ Hag ev a worthybis, ‘Gonn, my a'n goer. Na leverewgh travyth.’

2 Myghternedh 2:7

Hanter-kans gour a vebyon an brofoesi eth ha sevel rag mires a bellder; ha'n dhew a sevis ryb an Yordan.

2 Myghternedh 4:1

Unn venyn yn mysk gwragedh mebyon an brofoesi a grias dhe Elisha ow leverel ‘Marow yw dha was, ow gour, ha ty a woer dha was dhe berthi own a'n Arloedh. Lemmyn kresysor re dheuth rag kemmeres ow dew vab rag bos y gethyon.’

2 Myghternedh 4:38

Elisha a dheuth arta dhe Gilgal hag yth esa divoetter y'n pow. Pan esa mebyon an brofoesi owth esedha a-ragdho, yn-medh ev dh'y was, ‘Gorr an galter veur war an tan ha bryjyon bros rag mebyon an brofoesi.’

2 Myghternedh 6:2

Deun, ni a'th pys, dhe'n Yordan, ha kemmeres pub gour keber, ha gwren tyller ena may hyllyn triga ynno.’ Ev a worthybis, ‘Kewgh.’

Job 36:16

Ev a'th tynyas ynwedh dhiworth ahwer dhe dyller ledan ma nag esa stroetha, dhe gonfort moes leun a vlonek.

Ebrowyon 11:34

difeudhi nerth tanyow, skeusi rag min an kledha, gwaynya krevder yn-mes a wannder, dos ha bos galloesek yn kas, gorra luyow estren dhe'n fo.

Yoshua 17:14

Mebyon Yosep a leveris dhe Yoshua, ‘Prag ny resys dhyn marnas unn eretons hag unn rann? Pobel vras on ni; ha kyns es lemmyn an Arloedh re'gan bennigas.’

Yoshua 19:47

Mes pan gollsons an tiredh ma, an Danysi eth yn-bann hag omladh erbynn Leshem, hag i a's kemmeras, ha'y gweskel gans min an kledha, ha'y erita, ha triga ynni. Dhe Leshem i a ros an hanow Dan war-lergh Dan aga thas.

1 Samuel 19:20

Ena Sowl a dhannvonas kannasow dhe gemmeres Davydh. Pan welsons kowethas an brofoesi ow profoesa, gans Samuel ow sevel avel penn warnedha, spyrys Duw a dheuth war gannasow Sowl, hag i ynwedh a brofoesas.