2 Myghternedh 5:7 - An Bibel Kernewek 20234 (Kernewek Kemmyn)

⁷ Wosa redya an lyther, myghtern Ysrael a skwardyas y dhillas ha leverel, ‘Ov Duw, dhe ri mernans po bewnans, may tannvon an den ma ger dhymm rag yaghhe gour a'y lovryjyon? Mirewgh fatell usi ev ow hwilas kedrynn genev.’

2 Myghternedh 5:7 ပူးပေါင်းရင်းမြစ်များ

Jenesis 30:2

Sorr Yakob a dhewis erbynn Raghel hag yn-medh ev, ‘Esov vy yn le Duw a naghas dhis frut an dorr?’

Jenesis 37:29

Ena Rewben a dhehwelis dhe'n puth, hag otta, nyns esa Yosep y'n puth hag ev a skwardyas y dhillas

Jenesis 50:19

Mes yn-medh Yosep dhedha, ‘Na berthewgh own. Esov vy yn le Duw?

2 Samuel 1:11

Ena Davydh a settyas dalghenn yn y dhillas, ha'ga skwardya; hag oll an wer esa ganso a wrug yn kettella.

1 Myghternedh 20:7

Ena myghtern Ysrael a elwis war oll henavogyon an tir, ha leverel, ‘Gwelewgh fatell usi an gour ma ow hwilas dregynn; rag ev a dhannvonas dhymm rag ow gwragedh, ow fleghes, ow arghans, hag ow owr; ha ny'n neghis.’

2 Myghternedh 11:14

Hi a viras, hag otta an myghtern ow sevel ryb an goloven, herwydh usadow. An bennsevigyon ha'n hirgernysi esa ryb an myghtern, hag yth esa oll pobel an pow ow lowenhe, ha seni hirgern. Athalia a skwardyas hy dillas ha kria, ‘Trayturi! Trayturi!’

2 Myghternedh 18:37

Ena Elyakim mab Hilkia, governour an palys, ha Shebna an pennskrifennyas, ha Yoagh mab Asaf, an kovadhor, a dheuth dhe Hezekia, skwardys aga dillas ha derivas dhodho geryow an Rabshake.

2 Myghternedh 5:6

Ev a dhros an lyther dhe vyghtern Ysrael, hag ynno, ‘Gans an lyther ma, my re dhannvonas Naaman ow gwas dhis, may hylli y yaghhe a'y lovryjyon.’

Yeremia 36:24

Mes ny's teva own na ny fregsons aga dillas, naneyl an myghtern, na'y servysi neb a glewas oll an geryow ma.

Daniel 2:11

Kales yw an pyth govynnys gans an myghtern, ha nyns eus denvyth a yll y dhiskwedhes dhe'n myghtern marnas an duwow, neb na drigons yn mysk mab-den.’

Hosea 6:1

Dewgh, dehwelyn dhe'n Arloedh: rag ev re skwardyas, hag a wra agan sawya; ev re weskis, hag a wra agan lystenna.

Niverow 14:6

Ha Yoshua mab Nun ha Kaleb mab Yefunne, esa yn mysk an re a aspias an tir, a skwardyas aga dillas,

Matthew 26:65

Ena an arghoferyas a skwardyas y dhillas ow leverel, ‘Ev re wrug blasfemi, py edhomm eus dhyn a voy a dhustunioryon? Otta, hwi re glewas an blasfemi.

Luk 11:54

orth y gontrewaytya, rag kachya neppyth a'y anow.

Oberow 14:14

Mes an abesteli Barnabas ha Powl a glewas, hag ow skwardya aga dillas i a fyskas yn-mes yn mysk an routh, ow karma,

Dewteronomi 32:29

Unnweyth a pens fur ha konvedhes hemma, ha dissernya aga fin!

Dewteronomi 32:39

Gwelewgh lemmyn, my, my yw ev, ha nyns eus duw marnas vy. My a ladh, ha my a vewha; my a vrew ha my a yaghha, ha nyns eus nagonan a yll delivra dhiworth ow leuv.

1 Samuel 2:6

An Arloedh a ladh ha bewhe; ev a dhre dhe ifarn ha drehevel yn-bann.