2 Myghternedh 5:5 - An Bibel Kernewek 20234 (Kernewek Kemmyn)

⁵ Myghtern Aram a leveris, ‘Ke yn-rag ha my a dhannvon lyther dhe vyghtern Ysrael.’ Naaman a dhibarthas ha kemmeres ganso deg talent a arghans, ha hwegh mil shekel ha deg chanj a dhillas.

2 Myghternedh 5:5 ပူးပေါင်းရင်းမြစ်များ

Jenesis 11:3

Hag i a leveris, an eyl dh'y gila, ‘Dewgh, gwren ni gul brykkys ha'ga fobas yn tan.’ Hag yth esa brykkys dhedha yn le meyn ha pyg yn le pri.

Jenesis 11:7

Dewgh, gwren ni diyskynna ha kemmyska aga yeth ma na wodhvons konvedhes an eyl yeth y gila.’

Jenesis 45:22

Ev a ros chanjyow a dhillas dhe bub huni; mes dhe Benyamin ev a ros trihans bath arghans ha pymp chanj a dhillas.

1 Myghternedh 13:7

Ena an myghtern a leveris dhe wour Duw, ‘Deus tre genev ha kav sosten, ha my a re dhis ro.’

1 Myghternedh 22:3

Myghtern Ysrael a leveris dh'y wesyon, ‘A wodhowgh bos Ramoth-gilead dhyn, mes ny wren travyth dh'y hemmeres yn-mes a leuv myghtern Aram?’

2 Myghternedh 4:42

Gour a dheuth dhiworth Baal-shalisha, hag ev a dhros dhe wour Duw bara a'n kynsa frutys, ugens torth a heydh ha pennow-ys glas yn y sagh. Elisha a leveris, ‘Roy hemma dhe'n bobel may hallons dybri.’

2 Myghternedh 5:4

Ytho Naaman eth ha derivas dh'y arloedh, ow leverel ‘Yndella y leveris an voren dhiworth pow Ysrael.’

2 Myghternedh 5:6

Ev a dhros an lyther dhe vyghtern Ysrael, hag ynno, ‘Gans an lyther ma, my re dhannvonas Naaman ow gwas dhis, may hylli y yaghhe a'y lovryjyon.’

Lavarow Koth 18:16

Ro a wra spas rag an riyas, hag a'n dre a-rag brasyon.

Ekklesiastes 2:1

My a leveris y'm kolonn, ‘Deus, my a vynn dha brevi gans plesour rag gweles mars yw hemma 'vas’, hag otta, hemma ynwedh yw euveredh.

Ysay 5:5

Lemmyn my a dheriv dhywgh an pyth a wrav rag ow gwinlann: my a gemmer dhe-ves an ke ha hi a vydh peurva; my a wra aswa yn hy fos ha hi a vydh tir trettys.

Niverow 22:7

Ytho henavogyon Moab ha henavogyon Midyan eth yn-kerdh gans pygans rag dewinieth yn aga dorn, ha dos dhe Balaam, ha ri dhodho messaj Balak.

Jamys 4:13

Dewgh lemmyn, an re a lever, ‘Hedhyw po a-vorow ni a vynn mos a-ji dhe'n dre ma ha spena blydhen ena ha kenwertha, ha gul prow.’

Breusysi 14:12

Samson a leveris dhedha, ‘Gas vy dhe worra a-ragowgh govynn koynt. Mar kodhowgh y dhisplegya a-ji dhe'n seyth dydh a'n kevewi, ha'y dhysmygi, ena y rov dhywgh deg lien warn ugens ha deg dillasenn warn ugens