2 Myghternedh 5:25 - An Bibel Kernewek 20234 (Kernewek Kemmyn)

²⁵ Ev eth a-ji ha sevel a-rag y vester; hag Elisha a leveris dhodho, ‘A-ble osta devedhys, Gehazi?’ Yn-medh ev, ‘Nyns eth dha was neb tyller vytholl.’

2 Myghternedh 5:25 ပူးပေါင်းရင်းမြစ်များ

Jenesis 16:8

Hag ev a leveris, ‘Hagar, maghteth Saray, a-ble hwruss'ta dos, ha ple'th es'ta ow mos?’ Ha hi a leveris, ‘My a fi dhiworth golok ow mestres, Saray.’

Jenesis 4:9

Hag yn-medh an Arloedh dhe Kayn, ‘Ple'ma Abel dha vroder?’ Hag yn-medh ev, ‘Ny wonn. Ov vy gwithyas ow broder?’

2 Myghternedh 20:14

Ena an profoes Ysay a dheuth dhe vyghtern Hezekia, ha leverel dhodho, ‘Pandr'a leveris an wer ma? Ple teuthons dhis a-dhiworto?’ Hezekia a worthybis, ‘I re dheuth dhiworth pow pell, dhiworth Babylon.’

2 Myghternedh 5:22

Gehazi a leveris, ‘Da yw pup-tra. Ow mester re'm dannvonas, ow leverel, “Otta, nammnygen y teuth dhymm dhiworth bro venydhyek Efraym dew gour yowynk a vebyon an brofoesi; roy dhedha, my a'th pys, talent a arghans ha dew janj a dhillas.” ’

2 Kroniklys 26:19

Ena Uzzia a sorras. Ev a'n jevo ynkyslester yn y dhorn rag leski ynkys; mes pan esa ow serri orth an oferysi kleves lovrek a omdhiskwedhas war y dal a-rag an oferysi yn chi an Arloedh, ryb alter an ynkys.

Lavarow Koth 30:20

Hemm yw fordh avoutres: hi a dheber hag a sygha hy ganow ha leverel, ‘Ny wrug vy drog vyth.’

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Matthew 26:21

Hag i ow tybri, yn-medh ev, ‘Yn hwir y lavarav dhywgh, onan ahanowgh a wra ow thrayta.’

Yowann 13:2

Pan esens ow tybri soper, wosa an jowl dhe worra yn kolonn Yudas mab Simon Skaryoth dh'y drayta,

1 Samuel 10:14

Ewnter Sowl a leveris dhodho ha dh'y was, ‘Py le yth ethewgh?’ Yn-medh ev, ‘Dhe hwilas an asenes; ha pan welsyn na yllys aga throvya, mos a wrussyn dhe Samuel.’