2 Myghternedh 5:16 - An Bibel Kernewek 20234 (Kernewek Kemmyn)

¹⁶ Mes ev a leveris, ‘Dell vew an Arloedh, a savav a-ragdho, ny dhegemmerav travyth.’ Ev a ynnias warnodho y gemmeres, mes ev a's naghas.

2 Myghternedh 5:16 ပူးပေါင်းရင်းမြစ်များ

1 Myghternedh 13:8

Mes gour Duw a leveris dhe'n myghtern, ‘Mar redh dhymm hanter dha wlaskor, nyns av a-ji genes; na ny dhebrav boes po eva dowr y'n tyller ma.

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

1 Myghternedh 18:15

Elias a leveris, ‘Dell vew Arloedh an luyow, mayth esov ow sevel a-ragdho, my a omdhiskwedh dhodho yn sur hedhyw.’

2 Myghternedh 3:14

Elisha a leveris, ‘Dell vew Arloedh an luyow, may savav a-ragdho, mar ny ve my dhe wul vri a lok Yehoshafat myghtern Yuda, ny virsen orthis na dha weles.

2 Myghternedh 5:20

Gehazi, gwas Elisha, gour Duw, a leveris dh'y honan, ‘Ow mester re sparyas Naaman an Aramyas ma, drefenn na dhegemmeras dhiworth y dhiwla an pyth a brofyas ev. Dell vew an Arloedh, my a wra poenya war y lergh ha kemmeres neppyth a-dhiworto.’

2 Myghternedh 5:26

Mes ev a leveris dhodho, ‘A nyns eth ow holonn genes, pan dreylyas an gour dhiworth y jarett rag metya orthis? Yw hemma an termyn rag kemmeres arghans, ha rag kemmeres dillas, hag olewbrennyer, ha gwinbrennyer, ha deves, hag oghen, ha gwesyon ha maghtethyon?

Daniel 5:17

Ena Daniel a worthybis a-rag an myghtern, ‘Dha rohow re bons ragos jy dha honan, ha ro dha bewasow dhe gen dhen; byttegyns my a red an skrif dhe'n myghtern, ha diskwedhes dhodho y styr.

Matthew 10:8

Yaghhewgh an glevyon, drehevewgh an re varow, glanhewgh an glavorogyon, tewlewgh yn-mes an dhywolow; heb kost y tegemmersowgh, rewgh heb kost.

1 Korinthianys 6:12

‘Lafyl yw pup-tra dhymm’, mes nyns yw pup-tra hag yw dhe les. ‘Lafyl yw pup-tra dhymm’, mes ny vynnav bos dres yn-dann vaystri travyth.

2 Korinthianys 12:14

Otta, parys ov vy dhe dhos dhywgh an tressa gweyth, ha ny vydhav vy begh warnowgh; rag ny hwilav agas pythow, mes hwi. Rag ny dhegoedh dhe'n fleghes kuntell tresor a-barth aga herens, mes an gerens a-barth aga fleghes.