2 Myghternedh 5:13 - An Bibel Kernewek 20234 (Kernewek Kemmyn)

¹³ Mes y wesyon a dheuth dhodho ha leverel, ‘Ow thas, mara'th pyssa an profoes a wul neppyth kales, a ny wrusses y wul? Pygemmys moy pan lever ev dhis, “Omwolgh ha bydh glan”?’

2 Myghternedh 5:13 ပူးပေါင်းရင်းမြစ်များ

Jenesis 41:43

Hag ev a wrug dhodho mos y'n nessa charett esa dhodho, hag i a armas a-dheragdho, ‘Plegyewgh an glin’; hag ev a'n gorras war oll pow Ejyp.

1 Myghternedh 20:23

Gwesyon myghtern Aram a leveris dhodho, ‘Aga duwow yw duwow a'n menydhyow, hag yndellma i o kreffa agesson; mes gas ni dhe vatalyas orta y'n gwastattir, hag yn sur ni a vydh kreffa agessa.

1 Myghternedh 20:31

Y wesyon a leveris dhodho, ‘Mir, ni re glewas bos tregeredhus myghternedh chi Ysrael; gwren omwiska gans saghlenn a-dro dh'agan kres ha lovonow war agan penn, ha mos yn-mes dhe vyghtern Ysrael; martesen ev a saw dha vewnans.’

2 Myghternedh 13:14

Pan eth Elisha yn klav gans an kleves may ferwis anodho, Yehoash myghtern Ysrael a dheuth yn-nans dhodho hag oela a-ragdho, ha leverel, ‘A ow thas, ow thas! Charett Ysrael ha'y varghogyon!’

2 Myghternedh 2:12

Elisha a welas henna hag ev a armas, ‘Ow thas! Ow thas! Charett Ysrael ha'y varghogyon’. Ha ny'n gwelas na fella. Ev a dhalghennas y dhillas y honan ha'ga skwardya yntra dew.

2 Myghternedh 5:10

Elisha a dhannvonas kannas dhodho, ow leverel, ‘Ke hag omwolghi y'n Yordan seythgweyth, ha dha gig a vydh asverys ha ty a vydh glan.’

2 Myghternedh 5:3

Hi a leveris dh'y mestres, ‘Unnweyth a pe ow arloedh gans an profoes usi yn Samaria! Ev a'n yaghhasa a'y lovryjyon.’

2 Myghternedh 6:21

Myghtern Ysrael a leveris dhe Elisha pan y's gwelas, ‘Ow thas, a wrav aga ladha? A wrav aga ladha?’

2 Myghternedh 8:9

Ytho Hazael eth dhe vetya orto ha kemmeres ro ganso, begh a bup-tra da a Damaskus war dhew-ugens kowrvargh. Pan dheuth ev ha sevel a-ragdho yn-medh ev, ‘Dha vab, Ben-hadad myghtern Aram, re'm dannvonas dhis, ow leverel, “A wrav yaghhe dhiworth an kleves ma?” ’

Salmow 51:2

Golgh vy yn tien a'm anewnder, ha glanha vy dhiworth ow fegh.

Salmow 51:7

Purha vy gans hyssop ha glan vydhav; golgh vy, ha my a vydh gwynna es ergh.

Ysay 1:16

Omwolghewgh, omlanhewgh; kemmerewgh agas drog wriansow yn-mes a'm gwel; hedhewgh a gammwul,

Malaki 1:6

Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’

Matthew 23:9

Ha hwi na wrewgh gelwel denvyth y'n nor agas tas, rag onan yw agas Tas a nev.

Yowann 13:8

Yn-medh Peder dhodho, ‘Nevra ny wolghydh ow threys evy’ Yesu a worthybis dhodho, ‘Mar ny wrav vy dha wolghi, nyns eus dhis rann genev vy.’

Yowann 9:7

ha leverel dhodho, ‘Ke, omwolgh yn poll Siloam’ (hemm yw dhe styrya, Dannvenys). Ytho ev eth hag omwolghi, hag ev a dhehwelis ow kweles.

Oberow 22:16

Lemmyn, prag y hokydh? Sav yn-bann, bydh besydhys ha golgh dhe-ves dha beghosow, ow kelwel war y hanow.”

1 Korinthianys 1:21

Rag yn skentoleth Duw, a-ban na wrug an bys aswonn Duw dre skentoleth, Duw a veu plesys, dre follneth an pyth a veu pregewthys, dhe selwel an re a grys.

1 Korinthianys 1:27

mes Duw a dhewisas an traow yw foll y'n bys rag tyli moethow war an dus skentel; Duw a dhewisas an traow yw gwann y'n bys rag gul bismer dhe'n re grev;

1 Korinthianys 4:15

Rag kyn fo dhywgh deg mil a dhyskadoryon yn Krist, nyns eus dhywgh nameur a dasow; yn tevri my a dheuth ha bos agas tas yn Krist der an aweyl.

Titus 3:5

ny'gan selwis ev dre wriansow a wrussyn ni yn ewnder, mes war-lergh y dregeredh ev dre wolghi daskenesigeth ha nowydhheans an Spyrys Sans

Ebrowyon 10:22

nesyn gans kolonn wir yn surneth leun a fydh, agan kolonn purhes glan a debelgowses ha'gan korf golghys gans dowr pur.

1 Peder 3:21

Hemm yw tokyn a'gan saw lemmyn, henn yw besydhyans. Nyns yw gorra dhe-ves mostedhes an kig mes gorthyp kowses da dhe Dhuw dre dhasserghyans Yesu Krist,

Diskwedhyans 7:14

Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.

1 Samuel 24:11

Mir, ow thas, mir orth lostenn dha vantell y'm leuv; rag drefenn my dhe dreghi dhe-ves lostenn dha vantell, ha ny'th ledhis, ty a woer ha gweles yn sur nag eus na drog na trayturi y'm leuv. Ny beghis er dha bynn, kynth esos orth ow helghya dhe gemmeres ow bewnans.

1 Samuel 28:23

Mes ev a skonyas, ha leverel, ‘Ny vynnav dybri.’ Mes y wesyon, war-barth gans an venyn, a ynnias warnodho; hag ev a woslowas orth aga lev. Ytho ev a sevis a-dhiwar an dor hag esedha war an gweli.

1 Samuel 9:10

Ena Sowl a leveris dh'y was, ‘Dha er yw da; deus, deun.’ Ytho i eth dhe'n sita mayth esa gour Duw.