2 Myghternedh 5:12 - An Bibel Kernewek 20234 (Kernewek Kemmyn)

¹² A nyns yw Abana ha Farpar, avonyow Damaskus, gwell ages oll an dowrow yn Ysrael? A ny allav omwolghi ynna ha bos glan?’ Ytho ev a dreylyas ha mos dhe-ves yn konnar.

2 Myghternedh 5:12 ပူးပေါင်းရင်းမြစ်များ

2 Myghternedh 2:14

Ev a gemmeras mantell Elias a goedhsa a-dhiworto ha gweskel an dowr ha leverel, ‘Ple'ma an Arloedh, Duw Elias?’ Pan y'n gweskis. an dowr a veu diberthys dhe'n eyl tenewen ha dh'y gila hag Elisha eth a-dreus.

2 Myghternedh 2:8

Elias a gemmeras y vantell hag ev a's rolyas ha frappya an dowrow gensi. An dowr a veu diberthys dhe'n eyl tenewen ha dh'y gila mayth eth an dhew a-dreus war dir sygh.

2 Myghternedh 5:11

Mes Naaman o serrys hag eth dhe-ves ha leverel, ‘My a grysi y teffa ev dhymm yn sur, ha sevel, ha gelwel war anow an ARLOEDH, ha gweskel y dhorn a-ugh an tyller ha yaghhe an lovryjyon.

2 Myghternedh 5:17

Ena Naaman a leveris, ‘Mar ny gemmerydh, my a'th pys, bedhes res dhe'th was kemmys dor hag yw begh dew vul, rag ny wra dha was offrynna nevra namoy offrynn leskys na sakrifis dhe dhuwow erell, saw dhe'n Arloedh.

Lavarow Koth 14:17

Den yw tanek y natur a wra yn foll, ha gour a vrasow yw kasadow.

Lavarow Koth 16:32

Neb yw lent ow serri yw gwell ages gour galloesek, ha neb a rewl y spyrys ages neb a gemmer sita.

Lavarow Koth 19:11

Skians da a wra den lent dhe serri, hag yth yw glori dhodho skonya a aswonn kammwrians.

An Gan a Ganow 4:8

Deus a-dhiworth Lebanon, ow fries, deus a-dhiworth Lebanon. Diyskynn a-dhiwar dopp Amana, a-dhiwar benn Senir ha Hermon, a-dhiworth fowys lewyon, a-dhiworth menydhyow lewpardes.

Yeremia 49:23

A-dro dhe Damaskus. Hamath hag Arpad a's teves meth, drefenn i dhe glewes yeyn nowodhow; i a deudh yn own, troblys yns avel an mor na yll bos kosel.

Zekaria 13:1

Y'n jydh na y fydh fenten igerys dhe ji Davydh ha dhe drigoryon Yerusalem rag pegh ha mostedhes.

Zekaria 14:8

Y'n jydh na dowr bew a wra mos yn-mes dhiworth Yerusalem, hanter anodho dhe vor an howldrevel ha hanter anodho dhe vor an howlsedhes: y hwyrvydh yn hav hag yn gwav.

Mark 1:9

Hag y hwarva y'n dydhyow na, y teuth Yesu a Nazareth yn Galile, hag ev a veu besydhys y'n Yordan gans Yowann.