2 Myghternedh 5:10 - An Bibel Kernewek 20234 (Kernewek Kemmyn)

¹⁰ Elisha a dhannvonas kannas dhodho, ow leverel, ‘Ke hag omwolghi y'n Yordan seythgweyth, ha dha gig a vydh asverys ha ty a vydh glan.’

2 Myghternedh 5:10 ပူးပေါင်းရင်းမြစ်များ

2 Myghternedh 2:21

Ev eth yn-mes dhe fenten an dowr ha tewlel hoelan ynni ha leverel, ‘Yndellma y lever an Arloedh, “My re burhas an dowr ma; ny vydh a-dhiworta mernans na difroethter na fella.” ’

2 Myghternedh 3:16

Hag ev a leveris, ‘Yndellma y lever an Arloedh, “My a wra dhe'n nans ma bos leun a bollow.”

2 Myghternedh 4:35

Ena ev a sevis ha kerdhes y'n chi yn-rag ha war-dhelergh, ha mos war an gweli hag omystynn warnodho; ha'n flogh a striwis seythgweyth ha'n flogh a igoras y dhewlagas.

2 Myghternedh 4:41

Ena ev a leveris, ‘Drewgh bleus.’ Hag ev a'n tewlis y'n galter ha leverel, ‘Diver e rag an bobel may hallens dybri.’ Ha nyns esa dregynn y'n galter.

2 Myghternedh 5:11

Mes Naaman o serrys hag eth dhe-ves ha leverel, ‘My a grysi y teffa ev dhymm yn sur, ha sevel, ha gelwel war anow an ARLOEDH, ha gweskel y dhorn a-ugh an tyller ha yaghhe an lovryjyon.

2 Myghternedh 5:14

Ena ev a dhiyskynnas hag omdroghya seythgweyth y'n Yordan, herwydh lavar gour Duw; ha'y gig a veu asverys kepar ha kig fleghik, ha glan o ev.

2 Myghternedh 5:9

Ytho Naaman a dheuth gans y vergh ha gans y jarettow, ha gortos orth daras chi Elisha.

Eksodus 4:18

Ha Moyses a dhehwelis dhe Yethro y hwegron, ha leverel dhodho, ‘Gas vy dhe vones, my a'th pys, dhe'm breder yn Ejyp rag gweles mars yns hwath yn few.’ Ha Yethro a leveris dhe Moyses, ‘Ke yn kres.’

Levitikus 13:58

Ha'n dillas, po steuv po anwi, po pyth a ledher, a wredh y wolghi, mars yw an pla diberthys dhiworto, a vydh golghys an eyl torn, ha glan vydh.

Levitikus 14:16

ha'n oferyas a drogh y vys dyghow y'n oyl usi yn y balv gledh ha skoellya rann a'n oyl gans y vys seythgweyth dherag an Arloedh.

Levitikus 14:51

Hag ev a gemmer an prenn keder ha'n hyssop ha'n pann kogh ha'n edhen vew ha'ga troghya yn goes an edhen ledhys hag y'n dowr ow resek ha skoellya seythgweyth war an chi.

Levitikus 14:7

Hag ev a'n skoell seythgweyth war neb a dal bos glanhes ha desta y vos glan, ha delivra an edhen vew dhe wari y'n gwel igor.

Levitikus 16:14

Hag ev a gemmer rann goes an lodhen ha'y skoellya gans y vys war an dregeredhva troha'n howldrevel, hag ev a skoell rann an goes gans y vys dherag an dregeredhva seythgweyth.

Levitikus 16:19

Hag ev a skoell rann an goes warnodho seythgweyth gans y vys, ha'y lanhe ha'y sanshe dhiworth avlander mebyon Ysrael.

Niverow 19:19

ha'n den glan a wra skoellya war an den avlan y'n tressa dydh hag y'n seythves dydh; yndellma y'n seythves dydh ev a'n glanha, hag ev a wra golghi y dhillas hag omvadhya yn dowr, ha dhe'n gorthugher ev a vydh glan.

Niverow 19:4

hag Eleazar an oferyas a wra kemmeres nebes a'y goes gans y vys, ha skoellya neppyth a'y goes war du a-rag tylda an kuntelles seythgweyth.

Yowann 5:4

Rag el an Arloedh e yn-nans y'n poll herwydh an seson ha trobla an dowr; ha'n kynsa den ow mos ynno wosa gwayans an dowr a veu yaghhes a by kleves pynag esa dhodho.

Yowann 9:7

ha leverel dhodho, ‘Ke, omwolgh yn poll Siloam’ (hemm yw dhe styrya, Dannvenys). Ytho ev eth hag omwolghi, hag ev a dhehwelis ow kweles.

1 Korinthianys 6:11

Hag yndella y fedha re ahanowgh hwi; mes golghys vewgh, sanshes vewgh, akwitys vewgh yn hanow an Arloedh Yesu Krist ha gans Spyrys agan Duw.

Yoshua 6:4

gans seyth oferyas ow toen seyth hirgorn a gern hordhes a-dherag an argh. Ha'n seythves dydh hwi a geskerdh a-dro dhe'n sita seythgweyth, ha'n oferysi ow hwytha an hirgern.