2 Myghternedh 4:42 - An Bibel Kernewek 20234 (Kernewek Kemmyn)

⁴² Gour a dheuth dhiworth Baal-shalisha, hag ev a dhros dhe wour Duw bara a'n kynsa frutys, ugens torth a heydh ha pennow-ys glas yn y sagh. Elisha a leveris, ‘Roy hemma dhe'n bobel may hallons dybri.’

2 Myghternedh 4:42 ပူးပေါင်းရင်းမြစ်များ

1 Samuel 9:7

Ena Sowl a leveris dh'y was, ‘Mes mar teun, pandr'a yllyn dri dhe'n gour? Rag an bara yn agan seghyer yw gyllys, ha nyns eus ro vyth dhe dhri dhe wour Duw. Pandr'eus dhyn?’

Yowann 6:13

Ytho i a's kuntellas, ha lenwel dewdhek kanstellas a vrewyon a'n pymp torth heydh, ha re bia moy es lowr dhe'n re a dhybris.

Yowann 6:9

‘Yma maw omma, ha dhodho pymp torth-vara heydh ha dew bysk vyghan; mes pyth yw henna rag kemmys tus?’

2 Myghternedh 7:1

Ena Elisha a leveris, ‘Klewewgh ger an ARLOEDH: yndellma y lever an Arloedh, “A-vorow, a-dro dhe'n eur ma, y fydh gwerthys sea a'n gwella blonek a shekel, ha dew sea a heydh a shekel, yn yet Samaria.” ’

1 Samuel 9:4

Ytho ev a dremenas dre venydh Efraym, ha tremena dre dir Shalisha, mes ny's trovsons. Ena i a dremenas dre dir Shaalim, mes nyns esens ena. Ena ev a dremenas dre dir an Benyaminysi, mes ny's trovsons.

1 Korinthianys 9:11

Mar konedhsyn ni has a daklow spyrysel yntredhowgh, yw tra veur mar mysyn agas dader a'n bys ma?

2 Myghternedh 4:38

Elisha a dheuth arta dhe Gilgal hag yth esa divoetter y'n pow. Pan esa mebyon an brofoesi owth esedha a-ragdho, yn-medh ev dh'y was, ‘Gorr an galter veur war an tan ha bryjyon bros rag mebyon an brofoesi.’

Dewteronomi 32:14

leth kowlys a vughes ha leth a dheves, gans blonek eyn, ha hordhes megys yn Bashan, ha gever, gans an gwella gwaneth, hag a woes grappys ty a evas gwin ewynek.

Dewteronomi 12:6

Hwi a dhre di agas offrynnow leskys, ha'gas sakrifisow, ha'gas degedhow, hag offrynnow drehevys a'gas leuv, ha'gas ambosow, ha'gas offrynnow bolonjedhek, ha'n re kynsa-genys a'gas chatel ha'gas flokkys,

Dewteronomi 8:8

tir a waneth ha heydh, ha gwinbrenn ha figbrenn ha greunaval, tir a olewbrennyer, olew ha mel;

Eksodus 23:16

Ty a wra gwitha goel an drevas, a gynsa frut a'th wonis, a'n pyth a hesydh y'n gwel. Ty a wra gwitha goel an kuntell yn diwedh an vlydhen, pan guntellowgh frut dha lavur a'n gwel.

Galatianys 6:6

Neb yw katekumenus y'n ger, kevrennes gans an dyskador yn pup-tra yw da.

1 Myghternedh 14:3

Kemmer genes deg torth, tesennow, ha pott a vel, ha ke dhodho; ev a lever dhis pandr'a vydh tenkys an maw.’

2 Myghternedh 5:5

Myghtern Aram a leveris, ‘Ke yn-rag ha my a dhannvon lyther dhe vyghtern Ysrael.’ Naaman a dhibarthas ha kemmeres ganso deg talent a arghans, ha hwegh mil shekel ha deg chanj a dhillas.

Niverow 18:12

Oll an gwella a'n oyl, hag oll an gwella a'n gwin hag a'n greun, kynsa frut a'n pyth a rons dhe'n Arloedh, my a re dhis.

Niverow 18:13

Kynsa frut adhves a oll eus yn aga thir, hag a dhrons dhe'n Arloedh, a vydh dhis; pub huni yw glan y'th chi a yll dybri anodho.