2 Myghternedh 4:31 - An Bibel Kernewek 20234 (Kernewek Kemmyn)

³¹ Gehazi eth a-dherag ha gorra an lorgh war fas an flogh; mes nyns esa na lev na klewes. Rakhenna ev a dhehwelis rag metya orto ha derivas dhodho, ow leverel, ‘Ny dhifunas an flogh.’

2 Myghternedh 4:31 ပူးပေါင်းရင်းမြစ်များ

1 Myghternedh 18:26

Ytho i a gemmeras an lodhen a veu res dhedha, y bareusi, ha gelwel war hanow Baal a'n myttin bys yn hanter-dydh, ow kria, ‘A Baal, gorthyp dhyn!’ Mes nyns esa lev, ha nyns esa gorthyp. Hag i a lammas a-dro dhe'n alter re wrussons.

1 Myghternedh 18:29

Pan dremenas hanter-dydh, i a vuskegis bys yn termyn offrynn an greun, mes nyns esa lev, na gorthyp, na nyns esa nagonan ow koslowes.

2 Myghternedh 4:32

Pan dheuth Elisha y'n chi, otta, marow o an flogh, ow krowedha war y weli.

2 Myghternedh 5:20

Gehazi, gwas Elisha, gour Duw, a leveris dh'y honan, ‘Ow mester re sparyas Naaman an Aramyas ma, drefenn na dhegemmeras dhiworth y dhiwla an pyth a brofyas ev. Dell vew an Arloedh, my a wra poenya war y lergh ha kemmeres neppyth a-dhiworto.’

2 Myghternedh 8:1

Elisha a gewsis orth an venyn a dhros ev hy mab arta dhe vewnans, ow leverel, ‘Sav yn-bann ha ke gans dha vayni, ha triga plepynag may hylli triga; rag an Arloedh re worhemmynnis divoetter a seyth blydhen, ha re dheuth seulabrys dhe'n tir.

Job 14:12

yndella y hwrowedh gour ha ny sev; bys pan nag eus nev na fella, ny dhifunons, na ny dhons yn-mes a'ga hosk.

Ezekiel 14:3

Mab den, an wer ma re dhrehevis aga idolys yn aga holonnow, ha gorra aga anewnder a-ragdha avel ken a drebuchya. A wrav vy aga gasa dhe hwilas orthiv?

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Mark 5:39

ha pan o devedhys a-ji, ev a leveris dhedha, ‘Prag yth esowgh hwi ow kul tros hag owth oela? Nyns yw an flogh marow, mes ow koska yma.’

Yowann 11:11

Hemma a leveris, hag ena yn-medh ev dhedha, ‘Agan koweth Lazarus a gosk; mes yth av rag gul dhodho difuna.’

Efesianys 5:14

rag pup-tra a veu diskwedhys yw golow. Rakhenna, leverys yw, ‘Sav, ty neb a gosk, ha sav yn-bann mes a'n re varow, ha Krist a re dhis golow.’

1 Samuel 14:37

Ytho Sowl a wovynnas kusul a-dhiworth Duw, ‘A wrav vy mos yn-nans war-lergh an Filistysi? A vynn'ta aga delivra yn dorn Ysrael?’ Mes ny'n gorthybis an jydh na.

1 Samuel 28:6

Ha pan wovynnas Sowl orth an Arloedh, ny worthybis an Arloedh dhodho, na der hunrosow, na der Urim, na dre brofoesi.