2 Myghternedh 4:23 - An Bibel Kernewek 20234 (Kernewek Kemmyn)

²³ Hag ev a leveris, ‘Prag y fynnydh mos dhodho hedhyw? Nyns yw na loer nowydh na sabot.’ Ha hi a leveris, ‘Y fydh da.’

2 Myghternedh 4:23 ပူးပေါင်းရင်းမြစ်များ

2 Myghternedh 4:22

Ha hi a elwis orth hy gour ha leverel, ‘Dannvon dhymm, my a'th pys, onan a'n wesyon hag onan a'n asenes, may hylliv poenya dhe wour Duw ha dehweles.’

2 Myghternedh 4:24

Hi a dhibras an asen ha leverel dh'y gwas, ‘Ke yn-kerdh; na wra lenthe marnas my a lever dhis.’

1 Kroniklys 23:31

ha peskweyth mayth yw offrynnys offrynnow leskys dhe'n Arloedh yn sabotys, yn loeryow nowydh hag yn dy'goelyow, herwydh an niver rekwirys anedha, heb hedhi a-dherag an Arloedh.

Amos 8:5

ow leverel, ‘P'eur fydh tremenys an loer nowydh, may hyllyn gwertha greun? ha'n sabot, may hyllyn igeri marghas an ys’ – ow lehe an efa, ow kressya an shekel, hag ow toella gans fals vantolyow,

Niverow 10:10

Yn dydh agas lowena ynwedh, hag yn agas goelyow ordenys, hag yn dalleth agas misyow, hwi a wra hwytha an hirgern war agas offrynnow dre dan ha war sakrifisow agas offrynnow kres; i a vydh dhywgh avel kovadh a-rag agas Duw: my yw an Arloedh agas Duw.

Niverow 28:11

Yn dallethow agas misyow ty a wra offrynna offrynn leskys dhe'n Arloedh: dew darow yowynk, unn hordh, seyth oen unn bloedh heb namm;

Niverow 28:9

Y'n sabot dew oen unn bloedh heb namm, ha diw dhegves rann a efa a vleus fin rag offrynn greun, kemmyskys gans oyl, ha'y offrynn diwes:

1 Samuel 20:5

Hag yn-medh Davydh dhe Yonathan, ‘Y fydh an loer nowydh a-vorow, ha ny allav fyllel esedha gans an myghtern orth an prys-boes; mes gas vy dhe dhones, may hylliv omgudha y'n gwel bys y'n tressa gorthugher.