2 Myghternedh 4:1 - An Bibel Kernewek 20234 (Kernewek Kemmyn)

¹ Unn venyn yn mysk gwragedh mebyon an brofoesi a grias dhe Elisha ow leverel ‘Marow yw dha was, ow gour, ha ty a woer dha was dhe berthi own a'n Arloedh. Lemmyn kresysor re dheuth rag kemmeres ow dew vab rag bos y gethyon.’

2 Myghternedh 4:1 ပူးပေါင်းရင်းမြစ်များ

Jenesis 22:12

Hag yn-medh ev, ‘Na ystynn dha dhorn war an maw, na gul travyth dhodho, rag lemmyn my a woer ty dhe berthi own a Dhuw, a-ban na wruss'ta skonya a ri dhymm dha vab, dha unn vab.’

1 Myghternedh 18:3

Ahab a elwis Obadia, governour y ji. Yth esa Obadia owt perthi own a'n Arloedh yn feur;

1 Myghternedh 20:35

Orth gorhemmynn an Arloedh unn esel a gowetha an brofoesi a leveris dh'y gila, ‘Gwask vy!’ Mes an gour a naghas y weskel.

2 Myghternedh 2:15

Ha pan y'n gwelas mebyon an brofoesi re bia yn Yeriko, i a leveris, ‘Spyrys Elias a drig war Elisha.’ Hag i a dheuth dhe vetya orto hag omblegya dhe'n dor a-ragdho.

2 Myghternedh 2:3

Mebyon an brofoesi yn Bethel a dheuth yn-rag dhe Elisha ha leverel dhodho, ‘A wodhes an Arloedh dhe gemmeres dha vester dhiwarnas hedhyw?’ Ev a leveris, ‘Gonn, my a'n goer. Na leverewgh travyth.’

2 Myghternedh 2:5

Mebyon an brofoesi yn Yeriko a dheuth dhe Elisha ha leverel dhodho, ‘A wodhes an Arloedh dhe gemmeres dha vester dhiwarnas hedhyw?’ Hag ev a worthybis, ‘Gonn, my a'n goer. Na leverewgh travyth.’

2 Myghternedh 2:7

Hanter-kans gour a vebyon an brofoesi eth ha sevel rag mires a bellder; ha'n dhew a sevis ryb an Yordan.

2 Myghternedh 4:38

Elisha a dheuth arta dhe Gilgal hag yth esa divoetter y'n pow. Pan esa mebyon an brofoesi owth esedha a-ragdho, yn-medh ev dh'y was, ‘Gorr an galter veur war an tan ha bryjyon bros rag mebyon an brofoesi.’

2 Myghternedh 6:9

Mes gour Duw a dhannvonas messaj dhe vyghtern Ysrael, ow leverel, ‘Bydh war na dremenydh an tyller na; rag yma Aram ow mos ena.’

Nehemia 10:31

ha mar trollo boblow an pow gwara po neb greun yn dydh sabot dhe wertha, ny brenyn dhiworta yn dydh sabot po yn dydh sans; ha pub seythves blydhen ny a as an tir anerys, ha ni a dhile oll kendonow.

Nehemia 7:2

My a ros charj war Yerusalem dhe'm broder Hanani, ha dhe Hanania rewler an palys, rag ev o gour lel hag ev a berthi own a Dhuw moy es dell wra lies arall.

Salmow 103:11

rag mar ughel dell usi an ebron a-ugh an nor, mar vras yw y dregeredh orth an re a berth own anodho;

Salmow 103:17

Mes tregeredh an Arloedh re beu bythkweth hag a vydh bys vykken war an re a berth own anodho, ha'y ewnder dhe fleghes aga fleghes;

Salmow 115:13

Ev a vennik an re a berth own a'n Arloedh, kekeffrys byghan ha bras.

Salmow 147:11

Mes an Arloedh a gemmer plesour y'n re a'n own, y'n re a fydh yn y dregeredh.

Lavarow Koth 22:7

An den galloesek a rewl an re voghosek, hag ev neb a gyv kendon yw keth dhe'n gour a'n re.

Ekklesiastes 12:13

Diwedh an mater, wosa klewes pup-tra, yw hemma: Porth own a Dhuw, ha gwith y worhemmynnow, drefenn bos hemma dever pub den oll.

Ekklesiastes 8:12

Kyn hwrella peghador gul drogober kanskweyth, ha bewa hwath pell, yn spit dhe hemma my a woer y vos da gans an dus neb yw gostydh dhe Dhuw, rag i dhe sevel ow perthi own a-dheragdho.

Ysay 50:1

Yndellma y lever an Arloedh: Ple'ma testenn torrva demmedhyans dha vamm, gensi ma's gorris dhe-ves? Po py a'm kresysoryon yw dhodho ma'th werthis vy? Otta, drefenn dha beghosow y feus gwerthys, ha rag dha dreuspassow y feu dha vamm gorrys dhe-ves.

Yeremia 34:14

‘Dhe benn seyth blydhen livrewgh peub y vroder ebrow re beu gwerthys dhis ha'th servya hwegh blydhen; ty a'n liver ahanas.’ Mes ny woslowas agas tasow orthiv, na treylya aga skovarn dhymm.

Levitikus 25:48

wosa bos gwerthys ev a yll bos dasprenys. Onan a'y vreder a yll y dhasprena,

Malaki 3:16

Ena an re a berthi own a'n Arloedh a geskewsi an eyl gans y gila, ha'n Arloedh a woslowas ha klewes. Lyver kovadh a veu skrifys a-ragdho a-dro dhe'n re a berthi own a Arloedh ha prederi a'y Hanow.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Matthew 18:25

Hemma pan na'n jeva pygans dhe attyli, y vester a worhemmynnis may fe gwerthys keffrys ha'y wreg ha'y fleghes ha pup-tra oll a'n jeva ha'n gendon dhe vos attylys.

Matthew 18:30

Ev ny vynna, mes ev eth dh'y dewlel yn prison bys pan wre pe an gendon.

Matthew 18:35

Yn kettellma ynwedh y hwra ow Thas a nev dhywgh hwi mar ny wrewgh gava kettep onan dh'y vroder a leun golonn.’

Oberow 13:26

‘Breder, mebyon agh Abraham, ha'n re yn agas mysk a berth own a Dhuw, dhyn ni ger an selwyans ma re beu dannvenys.

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.

Diskwedhyans 15:4

Piw ny berth own ahanas, A Arloedh, ha gordhya dha hanow? Rag ty yn unnsel yw sans, rag pub kenedhel a dheu dhe wordhya a-dheragos; rag dha oberow gwiryon re beu diskwedhys.’

Diskwedhyans 19:5

Ha lev a dheuth yn-mes a'n tron, ow leverel, ‘Gormelewgh agan Duw, oll y wesyon ha'n re a'n own, byghan ha bras.’

Ruth 1:3

Hag Elimelek gour Naomi a verwis, ha gesys o hi, ha'y dew vab gensi.

1 Samuel 22:2

Ha pub gour esa yn ahwer, ha pub gour esa yn kendon ha pub gour a'n jevo hwerowder yn y enev, a omguntellas dhodho; hag ev a dheuth ha bos kapten warnedha. Hag yth esa ganso a-dro dhe beswar kans gour.