2 Myghternedh 3:9 - An Bibel Kernewek 20234 (Kernewek Kemmyn)

⁹ Ytho myghtern Ysrael eth gans myghtern Yuda, ha myghtern Edom. Wosa kerdh gwius a seyth dydh nyns esa dowr na rag an lu na rag an chatel a'n siwyas.

2 Myghternedh 3:9 ပူးပေါင်းရင်းမြစ်များ

1 Myghternedh 22:27

ha leverel, “Yndellma y lever an myghtern: Gorr an gwas ma y'n prison, ha'y voesa orth ewnrannow lehes a vara hag a dhowr bys pan dhov yn kres.” ’

1 Myghternedh 22:47

Nyns esa myghtern yn Edom; yth esa lesruw a'n myghtern.

1 Myghternedh 22:48

Yehoshafat a wrug gorholyon Tarshish rag mos dhe Ofir rag owr; mes nyns ethons rag bos an gorholyon terrys yn Esyon-geber.

2 Myghternedh 3:1

Yehoram mab Ahab a dhallathas reynya war Ysrael yn Samaria y'n etegves blydhen a Yehoshafat myghtern Yuda, hag a reynyas dewdhek blydhen.

2 Myghternedh 3:10

Ena yn-medh myghtern Ysrael, ‘Ellas! Ny wrug an Arloedh agan gelwel, an tri myghtern ma, marnas may hwrella agan ri yn leuv Moab.’

2 Myghternedh 3:7

Ev eth ha dannvon messaj dhe Yehoshafat myghtern Yuda, ow leverel, ‘Myghtern Moab re rebellyas er ow fynn. A vynnydh mos genev dhe werrya erbynn Moab?’ Ev a leveris, ‘My a vynn mos. Yth ov kepar ha ty, ow fobel kepar ha dha bobel, ow mergh kepar ha dha vergh.’

2 Myghternedh 3:8

Ev a wovynnas, ‘War by fordh a wren ni mos?’ Hag ev a worthybis, ‘Dre fordh gwylvos Edom.’

2 Myghternedh 8:20

Yn y dhydhyow Edom a rebellyas erbynn Yuda ha gul aga myghtern aga honan warnedha.

Eksodus 11:8

Hag oll dha servysi ma a wra diyskynna dhymm, hag omblegya dhymm, ow leverel, “Kewgh dhe-ves, ha'n bobel oll a'th hol.” Ha wosa henna yth av yn-mes.’ Hag ev eth a-dhiworth Faro yn sorr toemm.

Eksodus 15:22

Ena Moyses a hembronkas Ysrael a'n Mor Rudh hag i eth yn gwylvos Shur; i eth tri dydh y'n gwylvos ha ny gavsons dowr.

Eksodus 17:1

An kuntelles oll a vebyon Ysrael eth yn-rag a wylvos Sin yn kerdhow berr, herwydh gorhemmynn an Arloedh, ha kampya yn Refidim; mes nyns esa dowr dhe'n bobel dh'y eva.

Niverow 20:2

Lemmyn nyns esa dowr rag an kuntelles; hag i a omguntellas war-barth erbynn Moyses hag erbynn Aron.

Niverow 20:4

Prag y tresys kemmynieth an Arloedh a-berth y'n gwylvos ma, may ferwyn omma, ha ni ha'gan chatel?

Niverow 21:5

Ha'n bobel a gewsis erbynn Duw hag erbynn Moyses, ‘Prag y'gan dresys yn-mes a Ejyp dhe verwel y'n gwylvos? Rag nyns eus boes na dowr, ha kas yw genen an boes diles ma.’

Niverow 33:14

Hag i eth yn-kerdh a-dhiworth Alush, ha kampya yn Refidim le nag esa dowr dhe eva dhe'n bobel.

Breusysi 4:10

Barak a elwis Zebulun ha Naftali dhe Kedesh, ha deg mil wour eth yn-bann war y lergh; ha Debora eth yn-nans ganso.