2 Myghternedh 3:25 - An Bibel Kernewek 20234 (Kernewek Kemmyn)

²⁵ Hag i a dhomhwelas an sitys, ha pub gour a dewlis men war bub splatt a dir da ha'y lenwel; hag i a stoppyas pub fenten a dhowr, ha treghi pub gwydhenn dha, bys pan na veu gesys marnas Kir-hareseth gans hy meyn yn aga le, mes tus ervys gans towlbrennyer a's kyrghynnas hag omsettya er hy fynn.

2 Myghternedh 3:25 ပူးပေါင်းရင်းမြစ်များ

Jenesis 26:15

Ha'n Filistysi re stoppsa oll an puthow re wrussa palas gwesyon y das, pan o Abraham y das hwath yn few, ha'ga lenwel a dhor.

Jenesis 26:18

Hag Ysak a balas arta an puthow dowr a balsons yn dydhyow Abraham y das, may hwrug an Filistysi aga stoppya yn-bann wosa mernans Abraham; hag ev a ros dhedha an keth henwyn re wrussa y das ri dhedha.

2 Samuel 8:2

Ev a fethas Moab ynwedh, hag ev a's gwrug dhe wrowedha war an leur ha'ga musura der an gordenn-vusura; ev a vusuras diw gordenn dhe worra dhe'n mernans, hag unn kordenn leun dhe witha yn few. Hag yndellma Moab eth ha bos gostydh dhe Davydh, ow tri trubyt dhodho.

2 Myghternedh 3:19

Hwi a wysk pub sita gerys, ha pub sita dhewisys, ha treghi pub gwydhenn dha, ha stoppya pub fenten a dhowr, ha diswul pub splatt a dir da gans meyn.’

2 Myghternedh 3:24

Mes pan dheuthons dhe gamp Ysrael, an Ysraelysi a sevis yn-bann ha gweskel an Moabysi, may fisons dhe'n fo a-ragdha. I eth yn-rag ow kweskel an Moabysi.

2 Myghternedh 3:26

Pan welas myghtern Moab bos krev an gas er y bynn ev a gemmeras ganso seyth kans kledhevor rag herdhya yn-rag dhe vyghtern Edom. Mes ny yllens.

2 Kroniklys 32:4

I a guntellas lies tus, hag i a stoppyas oll an fentynyow, keffrys ha'n gover a resa der an tir, ow leverel, ‘Prag y to myghternedh Assyria ha kavoes dowr yn palster?’

Ysay 15:1

Profoesans a-dro dhe Moab: Ar yn Moab yw gwastys, distruys yn unn nos. Kir yn Moab yw gwastys, distruys yn unn nos.

Ysay 16:11

Rakhenna ow holodhyon a hanas avel sowtri rag Moab, ha'm kolonn rag Kir-heres.

Ysay 16:7

Ytho Moab a oul, i oll a oul rag Moab. Kynewgh rag tesennow-grappys Kir-hareseth, hwi hag yw kowldhistruys.

Yeremia 48:31

Ytho my a oul rag Moab; my a gri rag Moab oll; rag gwer Kir-heres my a gyn.

Yeremia 48:36

Ytho ow holonn a gyn rag Moab avel pibow, hag ow holonn a sen avel pibow rag gwer Kir-heres; rag an rychys re gavsons yw gyllys.

Dewteronomi 2:9

Ena an Arloedh a leveris dhymm, ‘Na omladh erbynn Moab ha na enter yn kas gansa, rag ny rov dhis travyth a'ga thiredh avel eretons, rag my re ros Ar dhe vebyon Lot avel eretons.’

Breusysi 9:45

Abimelek a omladhas erbynn an sita oll an jydh na; ev a gemmeras an sita hag a ladhas an bobel esa ynni; ev a dorras an sita dhe'n dor hag a's hasas gans hoelan.