2 Myghternedh 3:12 - An Bibel Kernewek 20234 (Kernewek Kemmyn)

¹² Yehoshafat a leveris, ‘Yma ger an Arloedh ganso.’ Ytho myghtern Ysrael ha Yehoshafat ha myghtern Edom eth yn-nans dhodho.

2 Myghternedh 3:12 ပူးပေါင်းရင်းမြစ်များ

2 Myghternedh 2:21

Ev eth yn-mes dhe fenten an dowr ha tewlel hoelan ynni ha leverel, ‘Yndellma y lever an Arloedh, “My re burhas an dowr ma; ny vydh a-dhiworta mernans na difroethter na fella.” ’

2 Myghternedh 3:11

Mes Yehoshafat a leveris, ‘A nyns eus omma profoes an Arloedh may hyllyn dredho hwilas dhiworth an Arloedh?’ Ena onan a wesyon myghtern Ysrael a worthybis, ‘Yma Elisha mab Shafat, omma, neb a dhiveri dowr war dhiwla Elias.’

2 Myghternedh 3:13

Elisha a leveris dhe vyghtern Ysrael, ‘Pyth eus yntredhon ni? Ke dhe brofoesi dha das ha dhe brofoesi dha vamm.’ Mes myghtern Ysrael a leveris dhodho, ‘Na, rag y feu an Arloedh neb a elwis an tri myghtern ma dh'aga delivra yn leuv Moab.’

2 Myghternedh 5:15

Ena ev a dhehwelis dhe wour Duw, ev hag oll y gowethas, ha dos ha sevel a-ragdho ha leverel, ‘Lemmyn my a woer nag eus Duw yn oll an norvys, marnas yn Ysrael. Lemmyn kemmer, my a'th pys, ro dhiworth dha was.’

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Ysay 60:14

Mebyon an re a'th arwaskas a gerdh dhis ow plegya dhe'n dor, hag oll myns a'th tespityas a ombleg dhe'n dor orth godhnow dha dreys; hag i a'th elow Sita an Arloedh, Sion a Sans Ysrael.

Yeremia 37:17

Sedekia an myghtern a dhannvonas war y lergh, ha'y gemmeres yn-mes. Ha'n myghtern a wovynnas orto yn priva yn y ji, ha leverel, ‘Eus ger a-dhiworth an Arloedh?’ Ha Yeremia a leveris, ‘Eus!’ Ena yn-medh ev, ‘Ty a vydh delivrys yn leuv myghtern Babylon.’

Diskwedhyans 3:9

Otta, y hwrav gul dhedha a'n synaga a Satnas a lever aga bos Yedhewon, ha nyns yns, mes i a wowlever – otta, y hwrav gul dhedha dos dhe omblegya a-dherag dha dreys, ha godhvos my dhe'th kara.