2 Myghternedh 25:7 - An Bibel Kernewek 20234 (Kernewek Kemmyn)

⁷ I a ladhas mebyon Sedekia a-dherag y dhewlagas; ena genna yn-mes dewlagas Sedekia; i a'n golmas yn kargharow a vrons ha'y dhri dhe Babylon.

2 Myghternedh 25:7 ပူးပေါင်းရင်းမြစ်များ

Jenesis 21:16

Ha hi eth hag esedha a-dal dhodho, pell lowr, a-dro dhe denn gwarak, rag hi a leveris, ‘Na as vy dhe weles mernans an flogh.’ Ha hi a esedhas a-dal dhodho, ha drehevel hy lev hag oela.

Jenesis 44:34

Rag fatell allav mos yn-bann dhe'm tas heb bos an maw genev? rag own my dhe weles an droktra a goedh war ow thas.’

2 Kroniklys 33:11

Yndella an Arloedh a dhros er aga fynn kaslewydhyon lu myghtern Assyria, hag i a synsis Manasse avel prisner, ha gorra higenn yn y droen ha'y gelmi gans sprallow a vrons ha'y dhri dhe Babylon.

2 Kroniklys 36:6

Er y bynn y teuth Nebukadnessar myghtern Babylon, hag ev a'n kargharas rag y dhri dhe Babylon.

Salmow 149:8

dhe gelmi aga myghternedh gans kadonyow, ha'ga fennsevigyon gans kargharow-horn;

Ysay 22:3

Oll dha ledyoryon a fias war-barth; prisonys vons heb plegya gwarak. Prisonys war-barth a veu oll dha gasoryon alloesek, kyn fisons a-bell.

Yeremia 21:7

Hag a-wosa, y lever an Arloedh, my a re Sedekia myghtern Yuda, ha'y servysi, ha'n bobel, ha'n re yw hwath yn few y'n sita ma wosa an pla, an kledha ha'n divoetter, bys yn dorn Nebukadnessar myghtern Babylon, hag yn dorn aga eskerens, hag yn dorn an re a hwila aga bewnans. Ev a's gwysk gans min an kledha; ny wra eva aga sparya, na kemmeres truedh, na mersi.

Yeremia 22:30

Yndellma y lever an Arloedh, Skrifewgh an gour ma avel anvap, gour na sewen yn y dhydhyow; rag ny sewen nagonan a'y has, dhe esedha war dron Davydh, na rewlya arta yn Yuda.

Yeremia 34:3

Ha ty dha honan, ny dhienkydh a'y leuv, mes dalghennys vydhydh yn sur ha delivrys yn y leuv; dha dhewlagas a welvydh myghtern Babylon, hag ev a gews genes ganow dhe anow; ha ty a dhe Babylon.

Yeremia 37:17

Sedekia an myghtern a dhannvonas war y lergh, ha'y gemmeres yn-mes. Ha'n myghtern a wovynnas orto yn priva yn y ji, ha leverel, ‘Eus ger a-dhiworth an Arloedh?’ Ha Yeremia a leveris, ‘Eus!’ Ena yn-medh ev, ‘Ty a vydh delivrys yn leuv myghtern Babylon.’

Yeremia 38:23

I a dhre yn-mes oll dha wragedh ha'th fleghes dhe'n Kaldeanys, ha ty dha honan ny dhienkydh a'ga leuv, mes ty a vydh kemmerys gans leuv myghtern Babylon; ha'n sita ma a vydh leskys gans tan.’

Kynvannow 2:9

Hy yetys re sedhis y'n dor; ev re dhiswrug ha terri hy barrys; yma hy myghtern ha'y fennsevigyon yn mysk an kenedhlow; nyns usi an lagha namoy, nyns eus hwath dh'y frofoesi gwelesigeth dhiworth an Arloedh.

Ezekiel 12:11

Lavar, ‘My yw tokyn ragowgh: kepar dell wrug vy, yndella y fydh gwrys dhedha i. Yth ons yn divroedh, yn kethneth.’

Ezekiel 7:27

An myghtern a gyn, ha'n pennsevik a vydh gwiskys yn euth; diwla pobel an tir a gren. My a's dyght war-lergh aga fordh, ha my a's breus war-lergh aga breusow. Ena i a woer my dhe vos an Arloedh.

Dewteronomi 28:34

Ty a vydh gorboellek gans an pyth a wra dha lagas y weles.

Dewteronomi 28:36

An Arloedh a'th tro, ty ha'n myghtern re settsys warnas dha honan, dhe genedhel na aswonnsys, naneyl ty na'th tasow, hag ena ty a serv duwow erell a brenn hag a ven.

Breusysi 16:21

Yndella an Filistysi a'n sesyas hag a droghas yn-mes y dhewlagas. I a'n dros yn-nans dhe Gaza ha'y gelmi gans kargharow a vrons; hag ev a veu settys dhe velyas greun y'n prison.