2 Myghternedh 25:29 - An Bibel Kernewek 20234 (Kernewek Kemmyn)

²⁹ Ytho Yekoyakin a worras a-denewen y dhillas prison. Pub dydh a'y vewnans ev a dhybri a-dherag an myghtern.

2 Myghternedh 25:29 ပူးပေါင်းရင်းမြစ်များ

Jenesis 41:14

Ena Faro a dhannvonas ha gelwel Yosep, hag i a'n dros yn hast mes a'n pytt; ev a omdhivarvas ha chanjya y dhillas, ha dos dhe Faro.

Jenesis 41:42

Ha Faro a gemmeras y vysow-sel dhiworth y leuv ha'y worra war leuv Yosep ha'y wiska gans dillas a sendal ha gorra chayn owrek a-dro dh'y gonna;

2 Samuel 9:7

Davydh a leveris dhodho, ‘Na borth own, rag my a dhiskwa tregeredh dhis rag Yonathan dha das; ha my a dhaskorr dhis oll tir a Sowl dha das, ha ty a dheber boes orth ow moes pup-prys.’

1 Myghternedh 2:7

Mes bydh kuv orth vebyon Barzillay an Gileadyas, ha bedhens yn mysk an re a dheber orth dha voes: rag yndella y teuthons dhymm pan fiis vy dhiworth Absalom dha vroder.

2 Myghternedh 24:12

Yehoyakin myghtern Yuda eth yn-mes dhe vyghtern Babylon, ev, ha'y vamm, ha'y wesyon, ha'y bennsevigyon, ha'y soedhogyon; ha myghtern Babylon a'n kemmeras prisner yn ethves blydhen y reyn.

Ester 4:4

Pan dheuth maghtethyon ha spadhesigyon Ester ha derivas dhedhi, grevys yn town veu an vyghternes; dannvon dillas rag kwetha Mordekay a wrug hi yn le y yskar, mes ny vynna ev aga degemmeres.

Ester 8:15

Ena Mordekay eth yn-mes dhiworth golok an myghtern, yn gwisk ryel, glas ha gwynn y liw, ha dhodho kurun vras a owr ha goen a lien fin ha purpur: ha'n sita Shushan a arma hag a lowenhi.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Yeremia 22:26

Ha my a'th tewl yn-mes, ha'th vamm a'th tineythis, bys yn pow arall, le ma na veus dineythys, hag ena ty a verow.

Yeremia 52:33

Ytho Yekoyakin a worras a-denewen y dhillas prison, ha pub dydh a'y vewnans ev a dhybri bara a-ragdho.

Zekaria 3:4

An el a leveris dhe'n re esa ow sevel a-ragdho, ‘Kemmerewgh dhiworto an dillas plos.’ Ena ev a leveris dhe Yoshua, ‘Mir, my re dhug dhiworthis dha gammhynseth, ha my a wra dha wiska yn dillas teg.’

Luk 15:22

Mes y das a erghis dh'y gethwesyon, “Drewgh uskis an gwella pows ha'y gorra warnodho, ha rewgh bysow war y leuv hag eskisyow war y dreys.