2 Myghternedh 25:27 - An Bibel Kernewek 20234 (Kernewek Kemmyn)

²⁷ Y'n seytegves blydhen warn ugens a dhivroedh Yehoyakin myghtern Yuda, y'n dewdhegves mis, y'n pympes dydh warn ugens a'n mis, Evil-merodak myghtern Babylon, y'n vlydhen may tallathas reynya, a livras myghtern Yehoyakin dhiworth prison;

2 Myghternedh 25:27 ပူးပေါင်းရင်းမြစ်များ

Jenesis 40:13

A-ji dhe drydydh y hwra Faro ughelhe dha benn ha'th worra arta y'th soedh; ha ty a vydh ow korra hanaf Faro yn y dhorn war-lergh an kynsa maner, pan es y hanafor.

Jenesis 40:20

Y'n tressa dydh, penn-bloedh Faro, ev a wrug kevewi rag oll y wesyon hag ughelhe penn chyf an hanaforyon ha penn chyf an beboryon yn mysk y wesyon,

2 Myghternedh 24:12

Yehoyakin myghtern Yuda eth yn-mes dhe vyghtern Babylon, ev, ha'y vamm, ha'y wesyon, ha'y bennsevigyon, ha'y soedhogyon; ha myghtern Babylon a'n kemmeras prisner yn ethves blydhen y reyn.

2 Myghternedh 24:15

Ev a dhug Yehoyakin dhe-ves yn divroedh dhe Babylon; hag ev a gemmeras yn divroedh ynwedh dhiworth Yerusalem dhe Babylon mamm an myghtern, gwragedh an myghtern, y spadhesigyon, ha gwelhevin an tir.

Lavarow Koth 21:1

Kolonn an myghtern yw gover a dhowr yn leuv an Arloedh; ev a's treyl py le pynag y fynno.

Yeremia 22:26

Ha my a'th tewl yn-mes, ha'th vamm a'th tineythis, bys yn pow arall, le ma na veus dineythys, hag ena ty a verow.

Yeremia 28:4

Ha my a dhaskorr arta dhe'n tyller ma Yekonia mab Yehoyakim myghtern Yuda, hag oll an dhivresow a Yuda hag eth dhe Babylon, yn-medh an Arloedh, rag my a derr yew myghtern Babylon.’

Yeremia 38:17

Ena Yeremia a leveris dhe Sedekia, ‘Yndellma y lever an Arloedh, Duw an luyow, Duw Ysrael: Mars edh yn-mes dhe bennsevigyon myghtern Babylon, ena dha enev a vew, ha ny vydh leskys an sita ma gans tan, ha ty ha'th chi a vew.