2 Myghternedh 25:25 - An Bibel Kernewek 20234 (Kernewek Kemmyn)

²⁵ Mes y'n seythves mis, Yshmael mab Nethania mab Elishama, a'n teylu ryel, a dheuth gans deg den; i a weskis Gedalia may ferwis, war-barth gans an Yedhewon ha'n Kaldeanys esa ganso yn Mispa.

2 Myghternedh 25:25 ပူးပေါင်းရင်းမြစ်များ

2 Myghternedh 11:1

Kettell welas Athalia mamm Ahazia bos marow hy mab, hi a sevis ha distrui oll an teylu ryel.

2 Myghternedh 25:24

Gedalia a wrug ti dhedha ha dh'aga gwer, ow leverel, ‘Na borthewgh own a soedhogyon an Kaldeanys; annedhewgh y'n tir, servyewgh myghtern Babylon, hag y fydh da genowgh.’

Yeremia 40:15

Ena Yohanan mab Kareagh a gewsis dhe Gedalia yn Mispa yn-dann gel, ow leverel, ‘Gas vy dhe vos, my a'th pys, ha my a ladh Yshmael mab Nethania, ha ny wodhvydh denvyth. Prag y'th ledhydh may fydh skattrys oll an Yedhewon yw kuntellys a-dro dhis, ha remenant Yuda a verow?’

Yeremia 41:1

Y'n seythves mis, Yshmael mab Nethania mab Elishama, a'n teylu ryel, onan a bennsevigyon an myghtern, a dheuth ha deg gwer ganso dhe Gedalia mab Ahikam, dhe Mispa, hag ena i a dhybris bara war-barth yn Mispa.

Yeremia 41:2

Yshmael mab Nethania, ha'n deg gwer esa ganso, a sevis ha gweskel Gedalia mab Ahikam mab Shefan gans an kledha ha'y ladha, ev neb a veu gwrys governour an tir gans myghtern Babylon.

Yeremia 41:3

Yshmael a ladhas oll an Yedhewon esa gans Gedalia yn Mispa ynwedh, ha soudoryon an Kaldeanys esa ena.

Zekaria 7:5

Govynn oll pobel an tir ha'n oferysi: Pan wrussowgh penys ha galari y'n pympes ha seythves mis dres an deg blydhen ha tri-ugens eus passys, a veu ragov vy y hwrussowgh penys?

Zekaria 8:19

Yndellma y lever Arloedh an luyow: Penys an peswora mis, ha penys an seythves, ha penys an degves a vydh lowender ha heudhder ha kuntellesow hweg dhe ji Yuda. Ytho kerewgh gwiryonedh ha kres.