2 Myghternedh 25:13 - An Bibel Kernewek 20234 (Kernewek Kemmyn)

¹³ An kolovenyow a vrons esa yn chi an Arloedh, ha'n synsellow, ha'n mor a vrons esa yn chi an Arloedh, an Kaldeanys a dorras yn temmyn, ha doen oll an brons dhe Babylon.

2 Myghternedh 25:13 ပူးပေါင်းရင်းမြစ်များ

1 Myghternedh 7:15

Ev a volas dew goloven a vrons. An eyl o etek kevelin hy ughelder, ha linenn a dhewdhek kevelin a veu musur hy hompas; kow o, ha'y dewder o peswar bys. An goloven arall o an keth.

2 Myghternedh 20:17

Otta, yma dydhyow ow tos pan vydh pub tra usi y'th chi, ha pub tra re withas dha dasow bys y'n jydh ma, degys dhe Babylon; travyth ny vydh gesys, a lever an Arloedh.

2 Myghternedh 24:13

Ev a gemmeras dhe-ves oll tresoryow chi an Arloedh, ha treghi dhe demmyn oll an lestri a owr re wrussa Solomon myghtern Ysrael yn tempel an Arloedh, dell dharganas an Arloedh.

2 Kroniklys 3:15

A-rag an chi ev a wrug diw goloven, pymthek kevelin warn ugens aga ughelder, gans penn-koloven war bubonan anedha, pymp kevelin.

2 Kroniklys 36:18

Oll lestri chi Duw, bras ha byghan, ha tresoryow chi an Arloedh, ha tresoryow an myghtern ha'y soedhogyon, oll an re ma ev a dhros dhe Babylon.

Eksodus 27:3

Ty a wra pottow rygdhi dhe dhegemmeres hy lusu, ha'y reuvow ha'y bollow ha'y gigveryow ha'y fadellow-tan; oll hy daffar ty a wra a vrons.

Ysay 39:6

Otta dydhyow a dheu pan vydh degys yn-mes dhe Babylon pup-tra eus yn dha dresorva, hag a wrug dha dasow y guntell bys y'n jydh hedhyw; ny vydh travyth gesys, yn-medh an Arloedh.

Yeremia 20:5

Kekeffrys my a re tresor oll an sita ma, hag oll frut hy lavur, hag oll hy thaklow drudh, ha provians oll myghternedh Yuda – my a's re yn leuv aga eskerens, hag i a's pyll, ha'ga doen dhe Babylon.

Kynvannow 1:10

An eskar re ystynnas y dhorn war oll hy fythow drudh; rag hi re welas an kenedhlow dhe entra yn hy thyller sans, an re a dhifennsys jy orta mayth entrons y'th kuntelles.