2 Myghternedh 25:10 - An Bibel Kernewek 20234 (Kernewek Kemmyn)

¹⁰ Oll lu an Kaldeanys, esa gans kapten an gorfwithysi, a dorras an fosow a-dro dhe Yerusalem.

2 Myghternedh 25:10 ပူးပေါင်းရင်းမြစ်များ

2 Myghternedh 14:13

Yehoash myghtern Ysrael a gemmeras Amasia myghtern Yuda mab Yehoash mab Ahazia yn Beth-shemesh. Ev a dheuth dhe Yerusalem ha gul aswa yn fos Yerusalem dhiworth Yet Efraym bys yn Yet an Gornell, peswar kans kevelin.

Nehemia 1:3

Yn-medhons dhymm, ‘An remenant yw gesys a'n gethneth ena y'n rannvro yw yn galar bras ha mewl; ynwedh fos Yerusalem yw terrys dhe'n dor, ha'y yetow leskys gans tan.’

Salmow 144:14

Re bo agan oghen krev rag ober, ha na vo aswaow na divroa, ha na vo kri a gynvann yn agan stretys.

Salmow 79:1

A Dhuw, an kenedhlow re dheuth y'th ertach; i re dhefolas dha dempel sans, ha gorra Yerusalem yn bern a vagoryow.

Yeremia 39:8

An Kaldeanys a loskas chi an myghtern ha chiow an bobel gans tan, hag i a dorras fosow Yerusalem.

Yeremia 5:10

Kewgh yn-bann dre rewyow hy gwinbrennyer, ha distrui; mes na wra diwedh leun: tennewgh dhe-ves hy barrennow: rag nyns yns i dhe'n Arloedh.

Ezekiel 33:21

Y'n dewdhegves blydhen a'gan divroedh, y'n unnegves mis, yn pympes dydh an mis, dianker dhiworth Yerusalem a dheuth dhymm, ow leverel, ‘An sita yw gweskys.’

Dewteronomi 28:51

hag ev a dheber leughi dha vestes hag askorr dha dir bys may hwrello dha dhistrui; ny as ragos ys, gwin nag olew, leughi dha jatel nag eyn dha flokk bys may hwrello dha dhistrui.