2 Myghternedh 25:1 - An Bibel Kernewek 20234 (Kernewek Kemmyn)

¹ 1 Rakhenna yn nawves blydhen y reyn, y'n degves mis, yn degves dydh an mis, Nebukadnessar, myghtern Babylon a dheuth, ev hag oll y lu, erbynn Yerusalem, hag omsettya orti; hag i a dhrehevis gweyth esedhva er hy fynn war bub tu.

2 Myghternedh 25:1 ပူးပေါင်းရင်းမြစ်များ

2 Myghternedh 24:1

Yn y dhydhyow, Nebukadnessar myghtern Babylon a dheuth yn-bann, ha Yehoyakim eth ha bos y omajer dres teyr blydhen; ena ev a dreylyas ha rebellya er y bynn.

2 Myghternedh 24:10

Y'n termyn na gwesyon Nebukadnessar myghtern Babylon a dheuth erbynn Yerusalem, ha'n sita a veu yn-dann esedhva.

2 Myghternedh 25:2

An esedhva a veu gorrys a-dro dhe'n sita bys y'n unnegves blydhen a vyghtern Sedekia.

2 Myghternedh 25:8

Y'n pympes mis, yn seythves dydh an mis, hag yw an nownsegves blydhen a vyghtern Nebukadnessar myghtern Babylon, y teuth Nebuzaradan, kapten an gorfwythysi, gwas myghtern Babylon, dhe Yerusalem.

1 Kroniklys 6:15

hag Yehosadak eth yn divroedh pan dhannvonas an Arloedh Yuda ha Yerusalem yn divroedh dre leuv Nebukadnessar.

2 Kroniklys 36:11

Sedekia o unn vlydhen warn ugens pan dhallathas reynya, hag ev a reynyas unnek blydhen yn Yerusalem.

Ysay 29:3

My a wra kampya a-derdro er dha bynn, ha gul esedhva er dha bynn gans touryow ha drehevel tommennow er dha bynn.

Yeremia 21:2

‘Govynn, my a'th pys, orth an Arloedh ragon; rag Nebukadnessar myghtern Babylon a werr er agan pynn; martesen an Arloedh a wra gwrians marthys ragon, may kildenno a-dhiworthyn.’

Yeremia 27:8

Mes mar ny vynn kenedhel po gwlaskor servya an keth Nebukadnessar ma, myghtern Babylon, ha gorra aga honna yn-dann yew myghtern Babylon, ena my a gessydh an genedhel na gans an kledha, gans divoetter, ha gans an pla, yn-medh an Arloedh, bys pan y's distruav der y leuv.

Yeremia 32:1

An ger hag a dheuth dhe Yeremia a-dhiworth an Arloedh y'n degves blydhen Sedekia myghtern Yuda, hag o an etegves blydhen a Nebukadnessar.

Yeremia 32:2

Rag ena lu myghtern Babylon a geas a-dro dhe Yerusalem, ha'n profoes Yeremia a veu deges yn klos an prison, hag esa yn palys myghtern Yuda,

Yeremia 32:24

Otta, krugow an gweythyow-esedhva re dheuth dhe'n sita dh'y hemmeres; ha'n sita yw gorrys yn leuv an Kaldeanys a omladh er hy fynn, drefenn an kledha, ha drefenn an divoetter, ha drefenn an pla. Ha'n pyth re gewssys re hwarva; hag otta, ty a'n gwel.

Yeremia 32:28

Ytho yndellma y lever an Arloedh: My a vynn ri an sita ma yn leuv an Kaldeanys hag yn leuv Nebukadnessar myghtern Babylon, hag ev a's kemmer.

Yeremia 4:17

Avel gwithysi park, ymons i a-dro dhedhi; drefenn i dhe vos diwostydh er ow fynn, yn-medh an Arloedh.

Yeremia 43:10

ha lavar dhedha, Yndellma y lever Arloedh an luyow, Duw Ysrael: Otta, my a dhannvon ha kemmeres Nebukadnessar myghtern Babylon, ow gwas, hag ev a worr y dron a-ugh an meyn ma re ynkleudhis, hag ev a les y babell ryel warnedha.

Yeremia 50:17

Ysrael yw davas skattrys; lewyon re's fesyas. Yn kynsa, myghtern Assyria a's devoryas ha lemmyn y'n diwedh, Nebukadnessar myghtern Babylon re gnias hy eskern.

Yeremia 51:34

‘Nebukadnessar myghtern Babylon re'm kollonkas, ev re'm desyghas, ev a wrug dhymm bos lester gwag, ev re'm lonkas avel dragon; ev re lenwis y dorr gans ow taklow denteth, ev re'm trewas y'n mes.

Yeremia 52:1

Sekedia a'n jevo unn bloedh warn ugens pan dhallathas reynya; ev a reynyas unnek blydhen yn Yerusalem. Hanow y vamm o Hamutal myrgh Yeremia a Libna.

Yeremia 6:3

Bugeledh gans aga flokkys a dheu dhedhi; i a dhrehav aga thyldow a-dro dhedhi; i a beur pubonan yn y dyller.

Ezekiel 21:14

Ytho ty, A vab den, profoes; tak palv orth palv. Gas an kledha dhe weskel diwweyth, teyrgweyth; kledha rag an re ledhys yw, kledha bras an ladhva, usi oll a-dro dhedha.

Ezekiel 26:7

Rag yndellma y lever an Arloedh Duw: Awottavy ow tri erbynn Tyr Nebukadnessar myghtern Babylon dhiworth an gogledh, myghtern myghternedh, war-barth gans mergh ha charettow, gans marghoglu ha troeslu meur.

Ezekiel 40:1

Y'n pympes blydhen warn ugens a'gan divroedh, yn dalleth an vlydhen, yn degves dydh an mis, y'n peswardhegves blydhen wosa an sita dhe vos gweskys yn-nans, poran y'n jydh na, leuv an Arloedh a veu warnav, hag ev a'm dros ena.

Zekaria 8:19

Yndellma y lever Arloedh an luyow: Penys an peswora mis, ha penys an seythves, ha penys an degves a vydh lowender ha heudhder ha kuntellesow hweg dhe ji Yuda. Ytho kerewgh gwiryonedh ha kres.

Dewteronomi 28:52

Ev a omsett a-dro dhis yn oll dha yetys bys pan goettho dha fosow ughel ha kerys mayth esos ow trestya ynna der oll dha dir; hag ev a omsett a-dro dhis, yn oll dha yetys der oll dha dir, a ros an Arloedh dha Dhuw dhis.