2 Myghternedh 24:7 - An Bibel Kernewek 20234 (Kernewek Kemmyn)

⁷ Ny dheuth myghtern Ejyp yn-mes a'y wlas arta, rag myghtern Babylon re gemmersa pup-tra esa dhe vyghtern Ejyp, dhiworth nans Ejyp bys y'n avon Ewfrates.

2 Myghternedh 24:7 ပူးပေါင်းရင်းမြစ်များ

Jenesis 15:18

An keth jydh na an Arloedh a wrug kevambos gans Abram, ow leverel, ‘My re ros an tir ma dhe'th has, dhiworth avon Ejyp bys y'n avon vras, an avon Ewfrates,

1 Myghternedh 4:21

Yth esa Solomon ow rewlya war oll an gwlaskordhow dhiworth an avon Ewfrates bys pow an Filistysi, ha bys yn or Ejyp; i a dhros trubyt ha servya Solomon dydhyow oll y vewnans.

Ysay 27:12

Y'n jydh na an Arloedh a dhrush a-dhiworth kanel an Ewfrates bys yn nans Ejyp, ha hwi, mebyon Ysrael, a vydh kuntellys onan hag onan.

Yeremia 46:2

A-dro dhe Ejyp, a-dro dhe lu Faro Neko, myghtern Ejyp, esa ryb an avon Ewfrates yn Karkemish hag a veu fethys gans Nebukadnessar myghtern Babylon y'n peswora blydhen a Yehoyakim mab Yosia myghtern Yuda:

Yeremia 46:6

Na wres an buan fia na'n kasor diank; dhe'n gogledh ryb an avon Ewfrates i re drebuchyas ha koedha.

Ezekiel 30:21

Mab den, my re dorras bregh Faro myghtern Ejyp, hag otta nyns yw kelmys rag yaghheans na nyns yw lystennys dh'y gelmi may fo krev lowr dhe synsi kledha.

Ezekiel 30:22

Rakhenna yndellma y lever an Arloedh Duw: Awottavy erbynn Faro, myghtern Ejyp. My a derr y breghow krev, an bregh krev ha'n bregh terrys, ha gul dhe'n kledha koedha dhiworth y leuv.

Niverow 34:5

ha'n or a wra treylya a-dhiworth Asmon dhe wover Ejyp, ha'y benn a vydh orth an mor.

Yoshua 15:4

Ena hi a dremenas dhe Asmon, ow tos dhe wover Ejyp, ha diwedh an or o an mor. Homm o aga or dhyghow.