2 Myghternedh 24:3 - An Bibel Kernewek 20234 (Kernewek Kemmyn)

³ Yn sur hemma a dheuth war Yuda herwydh gorhemmynn an Arloedh, rag aga hemmeres yn-mes dhiworth y wolok, drefenn oll peghosow Manasse a wrug,

2 Myghternedh 24:3 ပူးပေါင်းရင်းမြစ်များ

Jenesis 50:20

Ha hwi, hwi a dewlis droktra er ow fynn; Duw a'n tewlis dhe vos dader, may teffa an dra dell yw y'n jydh hedhyw: dhe witha tus pals yn few.

2 Myghternedh 17:18

Rakhenna an Arloedh o serrys yn feur orth Ysrael, ha'ga hemmeres mes a'y wel; nyns esa gesys saw unnsel loeth Yuda.

2 Myghternedh 17:20

An Arloedh a skonyas oll henedh Ysrael, ha'ga hessydhya ha'ga gorra yn leuv preydhoryon, bys pan re's tewlsa mes a'y wel.

2 Myghternedh 17:23

bys pan worras an Arloedh Ysrael mes a'y wel, dell lavarsa ev der oll y wesyon an brofoesi. Yndella y feu Ysrael degys dhe-ves yn divroedh, yn-mes a'ga thiredh aga honan dhe Assyria, bys y'n jydh ma.

2 Myghternedh 18:25

Yn tevri, a dheuth vy erbynn an tyller ma heb bodh an Arloedh rag y dhistrui? An Arloedh a leveris dhymm, Ke erbynn an pow ma ha'y dhistrui.’

2 Myghternedh 21:16

Hag ynwedh Manasse a skoellyas meur a woes gwiryon, bys pan lenwis ev Yerusalem a'n eyl penn dh'y gila, war-barth gans an pegh may hwrug ev dhe Yuda y begha, ow kul an pyth o drog yn golok an Arloedh.

2 Myghternedh 24:20

Dhe wir, kemmys y sorras Yerusalem ha Yuda an Arloedh ma's estewlis dhiworth y lok. Sedekia a rebellyas erbynn myghtern Babylon.

2 Kroniklys 24:24

Lu Aram re dhothya gans niver byghan a wer, mes an Arloedh a ros ynter aga diwla lu fest bras, drefenn i dhe asa an Arloedh, Duw aga thasow. Yndella i a gowlwrug breus war Yoash.

2 Kroniklys 25:16

Mes hag ev ow kewsel an myghtern a leveris dhodho, ‘A'th wrussyn kusulyador ryel? Hedh! Prag y tegoedh ty dhe vos ledhys?’ An profoes a hedhis, mes y leveris, ‘My a woer Duw dhe ervira dha dhistrui, drefenn ty dhe wul hemma ha drefenn na woslewsys orth ow husul.’

Eksodus 20:5

Na ombleg a-ragdha na'ga servya; rag my an Arloedh dha Dhuw yw Duw avius, ow kessydhya kammweyth an tasow war an fleghes bys an tressa ha peswora henedh a'n re a'm kas,

Ysay 45:7

My a form golow ha kreatya tewlder, my a wra kres ha kreatya galar, my yw an Arloedh neb a wra oll an taklow ma.

Yeremia 32:31

Rag an sita ma re beu acheson a'm sorr hag ow honnar a-dhia'n jydh may feu drehevys bys y'n jydh ma, ma's dileav a-dhiworth ow golok;

Yeremia 52:28

Hemm yw an niver a dus a veu kemmerys yn divroedh gans Nebukadnessar: y'n seythves blydhen, tri mil Yedhow ha tri warn ugens;

Ezekiel 22:3

Lavar, Yndellma y lever an Arloedh Duw: Sita usi ow skoellya goes yn hy kres, may teffo hy thermyn, hag owth omdhefola dre wul idolys.

Ezekiel 24:6

Rakhenna yndellma y lever an Arloedh Duw: Go-hi an sita woesek, kalter gans gossen ynni, ha'y wossen ny a dhiworti! Kemmer an kig dhiworti tamm ha tamm, heb tewlel koelbrenn.

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

Mika 2:10

Sevewgh ha kewgh dhe-ves, rag nyns yw homma agas powesva; drefenn agas defolans hi a vydh distruys, ha'n terroes a vydh tynn.

Dewteronomi 28:63

Kepar dell lowenhas an Arloedh yn agas kever dhe wul da dhywgh, ha dh'agas ynkressya, yndella an Arloedh a lowenha yn agas kever dh'agas diswul, ha dh'agas distrui. Hwi a vydh diwreydhys dhiwar an tir mayth esos ow tos di dh'y erita.

Dewteronomi 29:28

An Arloedh a's diwreydhyas dhiworth aga thir yn sorr, hag yn konnar, hag yn koler bras, hag ev a's tewlis dhe dir arall, kepar hag y'n jydh hedhyw.’

Yoshua 23:15

Mes par dell hwarva ragowgh pup-tra da a ambosis an Arloedh agas Duw dhywgh, yndella ynwedh an Arloedh a dhre warnowgh oll an droktraow, bys pan y'gas distruis dhiworth an tir da re ros an Arloedh agas Duw dhywgh.