2 Myghternedh 24:2 - An Bibel Kernewek 20234 (Kernewek Kemmyn)

² An Arloedh a dhannvonas er y bynn bagasow a Kaldeanys, bagasow a Aramysi, bagasow a Moabysi ha bagasow a Ammonysi; ev a's dannvonas erbynn Yuda rag y distrui, herwydh ger an Arloedh a gewsis der y wesyon an brofoesi.

2 Myghternedh 24:2 ပူးပေါင်းရင်းမြစ်များ

2 Myghternedh 20:17

Otta, yma dydhyow ow tos pan vydh pub tra usi y'th chi, ha pub tra re withas dha dasow bys y'n jydh ma, degys dhe Babylon; travyth ny vydh gesys, a lever an Arloedh.

2 Myghternedh 22:16

Yndellma y lever an Arloedh, My a dhre drog war an tyller ma, ha war y annedhysi, herwydh oll geryow an lyver re redyas myghtern Yuda,

2 Myghternedh 23:27

An Arloedh a leveris, ‘My a gemmer Yuda ynwedh yn-mes a'm golok, kepar dell gemmeris Ysrael yn-mes; ha my a skon an sita ma a dhewisis, Yerusalem, ha'n chi a leveris vy anodho, ow hanow a vydh ena.’

2 Myghternedh 6:23

Ytho ev a bareusis gwledh veur ragdha; ha wosa i dhe dhybri hag eva, ev a's dannvonas dhe-ves, hag i eth dh'aga mester. Ha ny dheuth bagasow Aram dhe diredh Ysrael na fella.

2 Kroniklys 33:11

Yndella an Arloedh a dhros er aga fynn kaslewydhyon lu myghtern Assyria, hag i a synsis Manasse avel prisner, ha gorra higenn yn y droen ha'y gelmi gans sprallow a vrons ha'y dhri dhe Babylon.

Job 1:17

Hag ev hwath ow kewsel, y teuth onan moy ha leverel, ‘An Kaldeanys a formyas tri bagas a ladron, hag a wrug omsettyans orth an kowrvergh ha'ga hemmeres, ha ladha an servysi gans min an kledha, ha my ow honan re dhienkas rag leverel dhis.’

Ysay 13:5

I a dheu a dir pell, dhiworth pennow nev, an Arloedh hag arvow y sorrvann, dhe dhistrui an norvys oll.

Ysay 28:19

Peskweyth may tremen ev a'gas kemmer; myttin ha myttin y tremen, y'n jydh hag y'n nos. Konvedhes an derivas a vydh pur euth.

Ysay 7:17

An Arloedh a dhre warnas ha war dha bobel ha war ji dha das dydhyow na dheuth a-dhia'n jydh may tibarthas Efraym dhiworth Yuda: myghtern Assyria hogen.’

Yeremia 12:9

Ow ertach yw dhymm avel edhen-breydh vrith, yma an ydhyn-preydh erell a-dro er hy fynn; dewgh, kuntellewgh oll bestes an mes, dens i dhe dhevorya.

Yeremia 25:1

An ger hag a dheuth dhe Yeremia a-dro dhe bobel Yuda, y'n peswora blydhen Yehoyakim mab Yosia myghtern Yuda, hag o kynsa blydhen a Nebukadnessar myghtern Babylon,

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 26:20

Hag yth esa ynwedh gour arall ow profoesa yn hanow an Arloedh, Uria mab Shemaia a Kiryath-yearim. Ev a brofoesas erbynn an sita ma hag erbynn an tir ma yn geryow poran kepar ha geryow Yeremia.

Yeremia 26:6

ena my a wra an chi avel Shilo ha gul an sita ma bos molleth dhe oll genedhlow an nor.

Yeremia 32:28

Ytho yndellma y lever an Arloedh: My a vynn ri an sita ma yn leuv an Kaldeanys hag yn leuv Nebukadnessar myghtern Babylon, hag ev a's kemmer.

Yeremia 35:11

Mes pan dheuth Nebukadnessar myghtern Babylon erbynn an tir, ni a leveris, “Dewgh ha deun dhe Yerusalem drefenn own lu an Kaldeanys ha lu Aram.” Drefenn henna yth eson trigys yn Yerusalem.’

Yeremia 52:28

Hemm yw an niver a dus a veu kemmerys yn divroedh gans Nebukadnessar: y'n seythves blydhen, tri mil Yedhow ha tri warn ugens;

Kynvannow 1:17

Sion a ystynn hy diwleuv; nyns eus dhedhi konforter vyth; an Arloedh re erghis erbynn Yakob may fo y gentrevogyon y eskerens; Yerusalem res eth ha bos tra avlan yn aga mysk.

Ezekiel 19:8

Kenedhlow a omsettyas er y bynn dhiworth an ranndiryow oll a-dro, ha lesa aga roes warnodho; kechys veu yn aga fytt.

Ezekiel 23:23

mebyon Babylon hag oll an Kaldeanys, Pekod, ha Shoa, ha Koa, hag oll mebyon Assyria gansa, gwer yowynk desiradow, i oll governours ha rewloryon, penngasoryon charettow ha soedhogyon ughel, i oll ow marghogeth war vergh.

Mika 3:12

Rakhenna, a-barth dhywgh hwi, Sion a vydh erys par ha gwel; Yerusalem a dheu ha bos bern a vagoryow, Arloedh ha menydh an chi a vydh drumm gwydhyel.

Habakkuk 1:6

Rag, otta, my a sord an Kaldeanys, kenedhel hwerow ha fysk, a geskerdh dre les an tir rag sesya annedhow nag esons dhedha.