2 Myghternedh 24:15 - An Bibel Kernewek 20234 (Kernewek Kemmyn)

¹⁵ Ev a dhug Yehoyakin dhe-ves yn divroedh dhe Babylon; hag ev a gemmeras yn divroedh ynwedh dhiworth Yerusalem dhe Babylon mamm an myghtern, gwragedh an myghtern, y spadhesigyon, ha gwelhevin an tir.

2 Myghternedh 24:15 ပူးပေါင်းရင်းမြစ်များ

2 Myghternedh 20:18

Re a'th vebyon dha honan a vydh kemmerys dhe-ves; i a vydh spadhesigyon yn palys myghtern Babylon.’

2 Myghternedh 24:8

Yehoyakin o etek bloedh pan dhallathas reynya, hag ev a reynyas tri mis yn Yerusalem. Hanow y vamm o Nehushta, myrgh Elnathan a Yerusalem.

2 Myghternedh 25:12

Mes kapten an withysi a asas re a voghosekka tus an tir dhe vos gonedhysi gwinlannow ha gonedhysi tir.

2 Myghternedh 25:21

Myghtern Babylon a's gweskis, ha'ga gorra dhe'n mernans yn Ribla yn pow Hamath. Ytho Yuda eth yn divroedh yn-mes a'y dir.

2 Myghternedh 25:27

Y'n seytegves blydhen warn ugens a dhivroedh Yehoyakin myghtern Yuda, y'n dewdhegves mis, y'n pympes dydh warn ugens a'n mis, Evil-merodak myghtern Babylon, y'n vlydhen may tallathas reynya, a livras myghtern Yehoyakin dhiworth prison;

1 Kroniklys 9:1

Ytho oll Ysrael a veu kovskrifys herwydh aga aghskrifow yn lyver myghternedh Ysrael. Yuda a veu degys yn divroedh yn Babylon drefenn aga dislelder.

2 Kroniklys 36:10

Yn gwenton an vlydhen myghtern Nebukadnessar a dhannvonas ha'y dhri dhe Babylon, war-barth ha lestri drudh chi an Arloedh, hag a wrug y vroder Sedekia myghtern war Yuda ha Yerusalem.

Ester 2:5

Yth esa unn Yedhow yn Shushan an bennsita, Mordekay y hanow, mab Yair mab Shimei mab Kish, Benyaminyas,

Ester 2:6

neb re bia kemmerys yn kethneth dhiworth Yerusalem war-barth gans Yekonia myghtern Yuda, may hwrug Nebukadnessar myghtern Babylon aga hemmeres yn kethneth.

Yeremia 13:18

Lavar dhe'n myghtern ha dhe vamm an myghtern, ‘Omuvelhewgh, esedhewgh: rag kurun agas golewder re dhiyskynnas a-dhiwar agas penn.’

Yeremia 29:2

Henn o wosa Yekonia an myghtern, ha mamm an vyghternes, an lyswesyon, pennsevigyon Yuda ha Yerusalem, ha'n seri prenn ha'n wovyon dhe dhiberth a Yerusalem.

Yeremia 52:28

Hemm yw an niver a dus a veu kemmerys yn divroedh gans Nebukadnessar: y'n seythves blydhen, tri mil Yedhow ha tri warn ugens;

Ezekiel 17:12

Lavar dhe'n chi diwostydh, A ny wodhowgh styr an taklow ma? Lavar, Otta myghtern Babylon a dheuth dhe Yerusalem ha kemmeres hy myghtern ha'y fennsevigyon, ha'ga dri ganso dhe Babylon.

Ezekiel 17:13

Ena ev a gemmeras onan a'n has ryel ha gul kevambos ganso, ha'y worra yn-dann li. Ynwedh ev a gemmeras ledyoryon an wlas,

Ezekiel 17:3

Lavar: Yndellma y lever an Arloedh Duw: Er bras gans eskelli bras ha pluvennow hir, leun a bluv liesliw, a dheuth dhe Lebanon ha kemmeres an ughella skorrenn a gederwydhenn;

Ezekiel 19:9

I a'n gorras yn bond-konna gans higow, ha'y dhri dhe vyghtern Babylon. I a'n gorras yn-dann with, ma na ve klewys y lev arta war venydhyow Ysrael.

Daniel 1:3

Ena an myghtern a worhemmynnis dhe Ashpenaz, penn y spadhesigyon, dhe gyrghes dhodho re a vebyon Ysrael, keffrys a'n teylu ryel ha'n welhevin,