2 Myghternedh 24:14 - An Bibel Kernewek 20234 (Kernewek Kemmyn)

¹⁴ Ev a dhug oll Yerusalem yn divroedh, oll an spadhesigyon, oll an vreselyoryon, deg mil dhivres, oll an greftoryon ha'n wovyon: denvyth ny veu gesys, marnas boghosekka pobel an tir.

2 Myghternedh 24:14 ပူးပေါင်းရင်းမြစ်များ

2 Myghternedh 24:16

Myghtern Babylon a dhros yn divroedh dhe Babylon oll an soudoryon, seyth mil, an oberoryon ha'n wovyon, unn mil, i oll krev ha gwiw rag bresel.

2 Myghternedh 25:12

Mes kapten an withysi a asas re a voghosekka tus an tir dhe vos gonedhysi gwinlannow ha gonedhysi tir.

1 Kroniklys 9:1

Ytho oll Ysrael a veu kovskrifys herwydh aga aghskrifow yn lyver myghternedh Ysrael. Yuda a veu degys yn divroedh yn Babylon drefenn aga dislelder.

Ezra 2:1

Ytho an re ma o mebyon an rannvro esa ow tos yn-bann mes a'n gethneth, a-dhiworth an dus re bia kemmerys yn-mes, a wrussa Nebukadnessar myghtern Babylon aga divroa dhe Babylon; hag i a dheuth arta dhe Yerusalem ha dhe Yuda, pub huni dh'y dre y honan.

Nehemia 1:2

y teuth Hanani, onan a'm breder, gans sertan tus dhiworth Yuda; ha my a wovynnas orta a-dro dhe'n Yedhewon hag a dhianksa, an re a skapyas an gethneth, hag a-dro dhe Yerusalem.

Ester 2:6

neb re bia kemmerys yn kethneth dhiworth Yerusalem war-barth gans Yekonia myghtern Yuda, may hwrug Nebukadnessar myghtern Babylon aga hemmeres yn kethneth.

Ysay 3:2

an kasor ha'n gour a vresel, an breusyas ha'n profoes, ha'n koelyek ha'n henavek,

Yeremia 27:20

na wrug Nebukadnessar myghtern Babylon aga hemmeres pan dhug yn divroedh Yekonia mab Yekoyakim myghtern Yuda a-dhiworth Yerusalem dhe Babylon, hag oll ugheloryon Yuda ha Yerusalem,

Yeremia 28:4

Ha my a dhaskorr arta dhe'n tyller ma Yekonia mab Yehoyakim myghtern Yuda, hag oll an dhivresow a Yuda hag eth dhe Babylon, yn-medh an Arloedh, rag my a derr yew myghtern Babylon.’

Yeremia 29:2

Henn o wosa Yekonia an myghtern, ha mamm an vyghternes, an lyswesyon, pennsevigyon Yuda ha Yerusalem, ha'n seri prenn ha'n wovyon dhe dhiberth a Yerusalem.

Yeremia 39:10

Mes Nebuzaradan kapten an withysi a asas boghosogyon an bobel, na's tevo travyth, yn pow Yuda, ha ri dhedha gwinlannow ha parkow y'n keth prys.

Yeremia 40:7

Pan glewas oll pennsevigyon an luyow, esa y'n gwel, i ha'ga gwer, myghtern Babylon dhe wul Gedalia mab Ahikam governour an tir ha ri yn y jarj gwer, gwragedh ha fleghes, boghosogyon an tir na veu kemmerys yn kethneth dhe Babylon,

Yeremia 52:16

Mes Nebuzaradan kapten an withysi a asas nebes an dus voghosek a'n tir dhe vos gonedhysi gwinlannow hag aradroryon.

Yeremia 52:28

Hemm yw an niver a dus a veu kemmerys yn divroedh gans Nebukadnessar: y'n seythves blydhen, tri mil Yedhow ha tri warn ugens;

Ezekiel 17:14

rag may fe gwlaskor isel, ha ma na omdhrehaffa arta, mes may saffa dre witha y gevambos.

Ezekiel 17:3

Lavar: Yndellma y lever an Arloedh Duw: Er bras gans eskelli bras ha pluvennow hir, leun a bluv liesliw, a dheuth dhe Lebanon ha kemmeres an ughella skorrenn a gederwydhenn;

Matthew 1:11

ha Yosia a dhineythis Yekonia ha'y vreder ev yn prys aga divroans dhe Babylon.

Matthew 1:12

Ha wosa an divroans dhe Babylon Yekonia a dhineythis Shealtiel, ha Shealtiel a dhineythis Zerubbabel,

Matthew 1:17

Ytho oll an henedhow a Abraham bys Davydh o peswardhek henedh, hag a Davydh bys an divroans dhe Babylon o peswardhek henedh, hag a'n divroans dhe Babylon bys Krist o peswardhek henedh.

Dewteronomi 28:36

An Arloedh a'th tro, ty ha'n myghtern re settsys warnas dha honan, dhe genedhel na aswonnsys, naneyl ty na'th tasow, hag ena ty a serv duwow erell a brenn hag a ven.

1 Samuel 13:19

Lemmyn nyns esa gov dhe vos kevys der oll pow Ysrael; rag an Filistysi a leveris, ‘Rag na wrello an Ebrowyon kledhedhyow po guwow ragdha aga honan’.