2 Myghternedh 24:13 - An Bibel Kernewek 20234 (Kernewek Kemmyn)

¹³ Ev a gemmeras dhe-ves oll tresoryow chi an Arloedh, ha treghi dhe demmyn oll an lestri a owr re wrussa Solomon myghtern Ysrael yn tempel an Arloedh, dell dharganas an Arloedh.

2 Myghternedh 24:13 ပူးပေါင်းရင်းမြစ်များ

2 Myghternedh 20:17

Otta, yma dydhyow ow tos pan vydh pub tra usi y'th chi, ha pub tra re withas dha dasow bys y'n jydh ma, degys dhe Babylon; travyth ny vydh gesys, a lever an Arloedh.

2 Kroniklys 36:7

Dres henna Nebukadnessar a dhros rann a'n lestri dhiworth chi an Arloedh dhe Babylon ha'ga gorra yn y balys yn Babylon.

Ysay 39:6

Otta dydhyow a dheu pan vydh degys yn-mes dhe Babylon pup-tra eus yn dha dresorva, hag a wrug dha dasow y guntell bys y'n jydh hedhyw; ny vydh travyth gesys, yn-medh an Arloedh.

Yeremia 17:3

ha war an menydhyow y'n mes. Dha wolusogneth ha'th tresoryow oll y rov dhe breydh, avel gober rag pegh, yn oll dha diryow.

Yeremia 20:5

Kekeffrys my a re tresor oll an sita ma, hag oll frut hy lavur, hag oll hy thaklow drudh, ha provians oll myghternedh Yuda – my a's re yn leuv aga eskerens, hag i a's pyll, ha'ga doen dhe Babylon.

Yeremia 28:6

ha'n profoes Yeremia a leveris, ‘Amen! Re wrello an Arloedh yndella; re gollanwo an Arloedh an geryow re brofoessys, ha daskorr lestri chi an Arloedh, hag oll an dhivresow, a-dhiworth Babylon dhe'n tyller ma.

Ezekiel 23:26

I a dhestrypp dha dhillas dhiworthis, ha kemmeres dha emmweyth teg.

Ezekiel 7:21

My a'n re yn dorn estrenyon avel preydh, ha dhe debeles an norvys avel da pyllys, hag i a'n defol.