2 Myghternedh 24:1 - An Bibel Kernewek 20234 (Kernewek Kemmyn)

¹ Yn y dhydhyow, Nebukadnessar myghtern Babylon a dheuth yn-bann, ha Yehoyakim eth ha bos y omajer dres teyr blydhen; ena ev a dreylyas ha rebellya er y bynn.

2 Myghternedh 24:1 ပူးပေါင်းရင်းမြစ်များ

2 Myghternedh 17:5

Ena myghtern Assyria a omsettyas erbynn oll an pow hag a dheuth dhe Samaria; ev a worras esedhva a-dro dhedhi teyr blydhen.

2 Myghternedh 24:20

Dhe wir, kemmys y sorras Yerusalem ha Yuda an Arloedh ma's estewlis dhiworth y lok. Sedekia a rebellyas erbynn myghtern Babylon.

2 Kroniklys 36:1

Pobel an tir a gemmeras Yehoahaz mab Yosia hag a'n gwrug myghtern yn le y das yn Yerusalem.

Ezra 4:12

Re bo godhvedhys dhe'n myghtern, an Yedhewon neb a dheuth yn-bann a-dhiworthis dhyn ni re dheuth dhe Yerusalem. Yth esons ow trehevel an sita dhiwostydh ha drog na, ow korfenna hy fosow, hag owth ewnhe hy selyow.

Ysay 36:5

Ty a lever bos genes kusul ha galloes rag an gas, mes nyns yw marnas geryow gwag. Lemmyn yn piw y fydhydh, ha ty ow rebellya er ow fynn?

Yeremia 25:1

An ger hag a dheuth dhe Yeremia a-dro dhe bobel Yuda, y'n peswora blydhen Yehoyakim mab Yosia myghtern Yuda, hag o kynsa blydhen a Nebukadnessar myghtern Babylon,

Yeremia 25:9

otta, my a dhannvon ha kemmeres oll teyluyow an gogledh, yn-medh an Arloedh, ha Nebukadnessar myghtern Babylon, ow gwas, ha my a's dre erbynn an tir ma hag erbynn y annedhysi, hag erbynn oll an kenedhlow ma usi a-derdro, ha my a wra aga sakra dhe dhistruyans, ha gul dhedha bos euth, ha hwibana, ha magoryow bys vykken.

Yeremia 35:1

An ger hag a dheuth dhe Yeremia a-dhiworth an Arloedh yn dydhyow Yehoyakim mab Yosia myghtern Yuda, ow leverel:

Yeremia 35:11

Mes pan dheuth Nebukadnessar myghtern Babylon erbynn an tir, ni a leveris, “Dewgh ha deun dhe Yerusalem drefenn own lu an Kaldeanys ha lu Aram.” Drefenn henna yth eson trigys yn Yerusalem.’

Yeremia 36:1

Y'n peswora blydhen Yehoyakim mab Yosia myghtern Yuda, an ger ma a dheuth dhe Yeremia a-dhiworth an Arloedh, ow leverel:

Yeremia 45:1

An ger a gewsis Yeremia an profoes dhe Baruk mab Neria, pan skrifas an geryow ma yn rol-skrifa a-dhiworth ganow Yeremia, y'n peswora blydhen a Yehoyakim mab Yosia myghtern Yuda:

Yeremia 46:2

A-dro dhe Ejyp, a-dro dhe lu Faro Neko, myghtern Ejyp, esa ryb an avon Ewfrates yn Karkemish hag a veu fethys gans Nebukadnessar myghtern Babylon y'n peswora blydhen a Yehoyakim mab Yosia myghtern Yuda:

Yeremia 50:17

Ysrael yw davas skattrys; lewyon re's fesyas. Yn kynsa, myghtern Assyria a's devoryas ha lemmyn y'n diwedh, Nebukadnessar myghtern Babylon re gnias hy eskern.

Ezekiel 19:8

Kenedhlow a omsettyas er y bynn dhiworth an ranndiryow oll a-dro, ha lesa aga roes warnodho; kechys veu yn aga fytt.

Ezekiel 21:14

Ytho ty, A vab den, profoes; tak palv orth palv. Gas an kledha dhe weskel diwweyth, teyrgweyth; kledha rag an re ledhys yw, kledha bras an ladhva, usi oll a-dro dhedha.

Daniel 1:1

Y'n nessa blydhen a reyn Yehoyakim myghtern Yuda, Nebukadnessar myghtern Babylon a dheuth dhe Yerusalem hag omsettya a-dro dhedhi.

Daniel 1:2

Ha'n Arloedh a worras yn y dhorn Yehoyakim myghtern Yuda, ha re a'n lestri dhiworth chi Duw; hag ev a's kyrghas dhe bow Shinar, dhe ji y dhuw, hag a worras an lestri yn tresorva y dhuw.

Habakkuk 1:6

Rag, otta, my a sord an Kaldeanys, kenedhel hwerow ha fysk, a geskerdh dre les an tir rag sesya annedhow nag esons dhedha.