2 Myghternedh 23:7 - An Bibel Kernewek 20234 (Kernewek Kemmyn)

⁷ Ev a dorras dhe'n leur chiow an horys-tempel worow esa yn chi an Arloedh, le mayth esa an benynes ow kwia dillas rag Ashera.

2 Myghternedh 23:7 ပူးပေါင်းရင်းမြစ်များ

1 Myghternedh 14:24

yth esa ynwedh horys-tempel worow y'n tir. I a wrug oll taklow kasadow an kenedhlow a dhiseritas an Arloedh a-rag pobel Ysrael.

1 Myghternedh 15:12

Ev a worras dhe-ves an horys-tempel worow yn-mes a'n tir, ha dilea oll an idolys re wrussa y dasow.

1 Myghternedh 22:46

Remenant an horys-tempel worow gesys y'n tir yn dydhyow y das Asa, ev a fesyas a'n tir.

2 Kroniklys 34:33

Yosia a gemmeras dhe-ves oll an taklow kasadow a diredh an Ysraelysi, hag y hwrug dhe oll esa yn Ysrael servya an Arloedh aga Duw. Oll y dhydhyow, ny fallsons holya an Arloedh, Duw aga thasow.

Ezekiel 16:16

Ha ty a gemmeras re a'th tillas, ha gul ragos dha honan tylleryow ughel liesliw, ha gul fornikasyon warnedha. Ny dal hwarvos, na ny vydh.

Ezekiel 8:14

Ena ev a'm dros dhe dharas yet chi an Arloedh usi a'n gledhbarth, hag ottena an benynes owth esedha, owth oela rag Tammuz.

Hosea 2:13

My a wra hy hessydhya rag dydhyow an Baalim, may leski offrynnow dhedha, hag omafina gans hy bysowyer ha'y gemmweyth, ha mos war-lergh hy haroryon, mes hi a'm ankovas, yn-medh an Arloedh.

Hosea 4:13

War benn an menydhyow y sakrifions, ha war an bronnow y leskons offrynnow, yn-dann dherwenn, hag edhlenn wynn, ha terebinthenn, drefenn bos da aga skeus. Ytho agas myrghes a wra fornikasyon, ha'gas gohydhow a wra avoutri.

Hosea 4:14

Ny wrav vy kessydhya agas myrghes pan wrons fornikasyon, na'gas gohydhow pan wrons avoutri, rag an wer a slynk dhe-ves gans horys, ha sakrifia gans horys-tempel: pobel heb konvedhes a vydh diswrys.

Niverow 25:1

Hag Ysrael ow triga yn Shittim, an bobel a dhallathas horya gans mowesi Moab.

Dewteronomi 23:17

Na vedhes hora-tempel a vyrghes Ysrael, na hora-tempel gorow a vebyon Ysrael.