2 Myghternedh 23:4 - An Bibel Kernewek 20234 (Kernewek Kemmyn)

⁴ An myghtern a worhemmynnis dhe Hilkia an arghoferyas, ha'n isarghoferyas, ha gwithysi an treudhow, may trollens mes a dempel an Arloedh oll an daffar a veu gwrys rag Baal, ha rag Ashera, ha rag oll lu an nev; ev a's loskas a-ves dhe Yerusalem yn gwelyow Kidron, ha doen aga lusu dhe Bethel.

2 Myghternedh 23:4 ပူးပေါင်းရင်းမြစ်များ

2 Samuel 15:23

Hag oll an vro a oelas gans lev ughel, hag oll an bobel a dremenas yn-rag; an myghtern ynwedh a dremenas dres nans Kidron, hag oll an bobel a dremenas yn-rag, troha fordh an gwylvos.

1 Myghternedh 12:29

Ev a settyas an eyl yn Bethel, ha'y gila ev a worras yn Dan.

1 Myghternedh 15:13

Ev a wordhellos ynwedh y vamm Maaka dhiworth hy soedh avel mamm-vyghternes, drefenn hi dhe wruthyl imaj kasadow a Ashera; Asa a droghas dhe'n dor hy thra gasadow ha'y leski yn nans Kidron.

1 Myghternedh 16:31

Ha par dell ve tra skav ragdho kerdhes yn peghosow Yeroboam mab Nebat, ev a gemmeras avel y wreg Yezebel myrgh Ethbaal myghtern an Sidonysi, hag ev eth ha servya Baal, ha'y wordhya.

1 Myghternedh 18:19

Lemmyn ytho dannvon ha kuntell oll Ysrael ragov dhe venydh Karmel, gans an peswar kans ha hanter-kans profoes a Baal ha'n peswar kans profoes a Ashera, a dheber orth moes Yezebel.’

1 Myghternedh 18:26

Ytho i a gemmeras an lodhen a veu res dhedha, y bareusi, ha gelwel war hanow Baal a'n myttin bys yn hanter-dydh, ow kria, ‘A Baal, gorthyp dhyn!’ Mes nyns esa lev, ha nyns esa gorthyp. Hag i a lammas a-dro dhe'n alter re wrussons.

1 Myghternedh 18:40

Elias a leveris dhedha, ‘Dalghennewgh profoesi Baal; na esewgh nagonan anedha dhe dhiank.’ Ena i a's dalghennas; hag Elias a's dros dhe nans Kishon, ha'ga ladha ena.

1 Myghternedh 19:18

Mes my a as seyth mil yn Ysrael, oll an re na blegyas dewlin dhe Baal na amma dhodho.’

2 Myghternedh 10:26

I a gemmeras yn-mes an peulven esa yn tempel Baal ha'y leski.

2 Myghternedh 12:10

Peskweyth may hwelsons bos meur a arghans y'n gist, skrifennyas an myghtern ha'n arghoferyas a dheuth, hag i a gomptyas an arghans a veu kevys yn chi an Arloedh ha'y gelmi yn seghyer.

2 Myghternedh 17:16

I a asas oll gorhemmynnow an Arloedh aga Duw, ha gul ragdha aga honan imajys teudhys a dhew leugh, ha gul Ashera, ha gordhya oll lu an nevow, ha servya Baal.

2 Myghternedh 21:3

Ev a dastrehevis an tylleryow ughel a dhistruis y das Hezekia; ev a dhrehevis alteryow dhe Baal, ev a wrug Ashera, dell wrussa Ahab myghtern Ysrael, gordhya oll lu nev, ha'ga servya.

2 Myghternedh 21:5

Ev a dhrehevis alteryow rag oll lu an nev y'n dhew klos chi an Arloedh.

2 Myghternedh 21:7

Ev a settyas an imaj gravys a Ashera re wrussa y'n chi may leveris an Arloedh anodho dhe Davydh ha dh'y vab Solomon, ‘Y'n chi ma hag yn Yerusalem, re dhewisis mes a oll kordhow Ysrael, my a worr ow hanow bys vykken.

2 Myghternedh 22:4

‘Ke yn-bann dhe Hilkia an arghoferyas, ha gwra dhodho rekna oll sommenn an arghans dres a-berth yn chi an Arloedh, re guntellas gwithysi an treudhow a-dhiworth an bobel;

2 Myghternedh 23:12

An myghtern a dorras dhe'n dor an alteryow war an to ryb chambour gwarthav Ahaz gwrys gans myghternedh Yuda, ha'n alteryow gwrys gans Manasse yn dew glos chi an Arloedh; ev a's tennas dhe'n leur ha'ga brewi dhe dhoust ha tewlel aga doust yn nans Kidron.

2 Myghternedh 23:15

Ynwedh ev a dennas dhe'n dor an alter yn Bethel, an tyller ughel gwrys gans Yeroboam mab Nebat, a wrug dhe Ysrael pegha, an alter na hag ynwedh an tyller ughel. Ev a loskas an tyller ughel, orth y vrewi dhe dhoust; ynwedh ev a loskas an Ashera.

2 Myghternedh 25:18

Kapten an withysi a gemmeras Seraya an arghoferyas, Sefania an isarghoferyas, ha tri gwithyas a'n treudhow.

2 Kroniklys 15:16

Ynwedh ev a wordhellos Maaka mamm myghtern Asa dhiworth hy soedh avel mamm-vyghternes, drefenn hi dhe wruthyl imaj kasadow a Ashera. Asa a droghas dhe'n dor hy thra gasadow ha'y vrewi ha'y leski yn nans Kidron.

2 Kroniklys 33:3

Rag ev a dhastrehevis an tylleryow ughel re beu tennys yn-nans gans y das Hezekia, hag ev a dhrehevis alteryow dhe'n Baalim, hag a wrug Asherim. Ev a wordhyas oll lu an nev, ha'ga servya.

2 Kroniklys 33:7

Ev a worras an imaj gravys re wrussa yn chi Duw, anodho may leveris Duw dhe Davydh ha dh'y vab Solomon, ‘Y'n chi ma, hag yn Yerusalem re dhewisis yn-mes a oll kordhow Ysrael, y hworrav ow hanow bys vykken.

Ysay 27:9

Rakhenna, yndellma anewnder Yakob a vydh prenys, ha hemma a vydh an frut leun ow treylya dhe-ves y begh: pan worr oll meyn an alter avel meyn krey dralyes, ny sev Asherim nag alteryow ynkys.

Yeremia 52:24

Kapten an withysi a gemmeras Seraya an pennoferyas, an nessa oferyas Sefania, ha'n tri gwithyas a'n treudhow;

Yeremia 7:9

A wrewgh hwi ladra, moldra, gul avoutri, ti yn fals, ha leski offrynnow dhe Baal, ha kerdhes war-lergh duwow na aswonnsowgh;

Ezekiel 8:6

Ena yn-medh ev dhymm, ‘Mab den, a welydh pandr'a wrons, an taklow vil bras usi chi Ysrael ow kul omma, dhe'm pellhe dhiworth ow sentri? Mes ty a wel taklow vil hwath brassa.’

Hosea 4:15

Kyn hwredh fornikasyon, a Ysrael, bynner re bo Yuda kablus. Na dhewgh hwi dhe Gilgal, na mos yn-bann dhe Beth-aven, na ti ‘Dell vew an Arloedh!’

Amos 4:4

Dewgh dhe Bethel, ha kammdremenewgh; dhe Gilgal, ha kammdremenewgh hwath moy; drewgh agas sakrifisow pub myttin, agas dega pub trydydh;

Sefania 1:4

My a ystynn ow leuv erbynn Yuda hag erbynn an drigoryon oll a Yerusalem; ha my a dregh remenant Baal dhiworth an tyller ma ha hanow an Kemarim gans an oferysi;

Matthew 26:3

Ena an bennoferysi ha henavogyon an bobel a omguntellas war-barth yn palys an arghoferyas, Kayfas henwys,

Matthew 27:1

Ha ternos vyttin, oll an bennoferysi ha henavogyon an bobel a wrug omgusulyans erbynn Yesu rag y worra dhe'n mernans;

Yowann 18:1

Wosa leverel an taklow ma, Yesu eth dhe-ves gans y dhyskyblon dres an keynres Kedron, le mayth esa lowarth, hag ev ha'y dhyskyblon a entras ynno.

Breusysi 2:13

I a forsakyas an Arloedh, hag a servyas an Baalim ha'n Ashtaroth.