2 Myghternedh 23:33 - An Bibel Kernewek 20234 (Kernewek Kemmyn)
33 Faro Neko a'n prisonyas yn Ribla yn pow Hamath, ma na allo reynya yn Yerusalem, hag ev a veghyas an tir gans trubyt a gans talent a arghans ha talent a owr.
Hezekia myghtern Yuda a dhannvonas messaj dhe vyghtern Assyria yn Lakish ow leverel, ‘My re gammwrug; kildennewgh dhiworthiv; pypynag a veghyewgh warnav, my a wra y berthi.’ Myghtern Assyria a wovynnas dhiworth Hezekia myghtern Yuda tri hans talent a arghans ha deg talent warn ugens a owr.
Yn y dhydhyow, Faro Neko myghtern Ejyp eth yn-bann dhe weres myghtern Assyria orth avon Ewfrates. Myghtern Yosia eth dhe vetya orto yn batel; mes pan vetyas Faro Neko orto yn Megiddo, ev a'n ladhas.
Yehoyakim a ros an arghans ha'n owr dhe Faro, ow korra toll war an tir rag ri an arghans dhe Faro dhe vetya y worholedh. Ev a guntellas an arghans ha'n owr dhiworth pub gour herwydh y dalvosegyans, rag aga ri dhe Faro Neko.
Pan omladh gwer war-barth, ha shyndya benyn gans flogh, may hwra hi kammomdhoen, ha hwath ny siw dregynn vyth, neb a's shyndyas a vydh spalyes, herwydh an pris settys gans gour an venyn; hag ev a dal herwydh mynnas an vreusydhyon.
A-dro dhe Ejyp, a-dro dhe lu Faro Neko, myghtern Ejyp, esa ryb an avon Ewfrates yn Karkemish hag a veu fethys gans Nebukadnessar myghtern Babylon y'n peswora blydhen a Yehoyakim mab Yosia myghtern Yuda: