2 Myghternedh 23:3 - An Bibel Kernewek 20234 (Kernewek Kemmyn)

³ An myghtern a sevis ryb an goloven ha gul kevambos a-dherag an Arloedh, dhe holya an Arloedh, dhe witha y worhemmynnow ha'y dhustuniow ha'y ordenansow gans oll aga holonn hag oll aga enev, dhe fastya geryow an kevambos ma a veu skrifys y'n lyver ma. Hag oll an bobel a sevis y'n kevambos.

2 Myghternedh 23:3 ပူးပေါင်းရင်းမြစ်များ

2 Myghternedh 11:14

Hi a viras, hag otta an myghtern ow sevel ryb an goloven, herwydh usadow. An bennsevigyon ha'n hirgernysi esa ryb an myghtern, hag yth esa oll pobel an pow ow lowenhe, ha seni hirgern. Athalia a skwardyas hy dillas ha kria, ‘Trayturi! Trayturi!’

2 Myghternedh 11:17

Yehoyada a wrug kevambos ynter an Arloedh ha'n myghtern ha'n bobel, may fedhens i pobel an Arloedh; hag ev a wrug kevambos ynter an myghtern ha'n bobel ynwedh.

2 Kroniklys 15:15

Oll Yuda a lowenhas orth an ti; rag i re dosa gans oll aga holonn. I a'n hwilas gans oll aga bodh, hag ev o kevys gansa. Ha'n Arloedh a ros dhedha powes oll a-derdro.

2 Kroniklys 23:13

Hi a viras, hag otta an myghtern ow sevel ryb y goloven y'n entrans, ha'n gaptenyon ha'n hirgernysi ryb an myghtern, hag oll pobel an tir ow lowenhe hag ow hwytha hirgern, ha'n ganoryon gans aga daffar menestrouthi ow ledya y'n solempnyans, Athalia a skwardyas hy dillas, hag a grias, ‘Trayson, trayson!’

2 Kroniklys 23:16

Yehoyada a wrug kevambos yntredho y honan hag oll an bobel ha'n myghtern may fons pobel an Arloedh.

2 Kroniklys 29:10

Yndella yma y'm kolonn gul kevambos gans an Arloedh Duw Ysrael, rag may treyllyo y sorr dhiworthyn.

Ezra 10:3

Lemmyn gwren ni kevambos gans agan Duw dhe dhannvon yn-kerdh oll an gwragedh, ha'n re dineythys anedha, herwydh kusul ow arloedh, ha dhe'n re a berth own a worhemmynn agan Duw. Bedhes gwrys herwydh an lagha.

Nehemia 10:1

An re neb a worras aga sel a veu Nehemia an governour, mab Hakalia, ha Sedekia;

Nehemia 5:13

Ynwedh my a shakyas pleg ow fows ha leverel, ‘Yndellma re shakkyo Duw yn-mes dhiworth y ji ha dhiworth y lavur pub gour na with an ambos ma. Yndella re bo shakys yn-mes ha gwakhes.’ Hag oll an gesva a leveris ‘Amen’ ha gormel an Arloedh. Ha'n bobel a wrug war-lergh an ambos ma.

Nehemia 9:38

Drefenn hemma oll, ni a wra kevambos fyrv, ha'y skrifa; ha war an skrifenn selys yma henwyn agan pennsevigyon, agan Levysi, ha'gan oferysi.

Eksodus 24:3

Moyses a dheuth ha leverel dhe'n bobel geryow oll an Arloedh hag oll an ordenansow; ha'n bobel oll a worthybis gans unn lev, ha leverel, ‘Oll an geryow re gewsis an Arloedh, ni a's gwra.’

Ekklesiastes 8:2

Bydh gostydh dhe worhemmynn myghtern, drefenn an ti a wrussys dhe Dhuw.

Yeremia 34:15

Ha hwi a'gas beu edrek hedhyw hag a wrug an pyth o ewn y'm golok dre dheklarya rydhses peub dh'y gentrevek, ha hwi a wrug kevambos a-ragov y'n chi may feu ow hanow gelwys warnodho;

Yeremia 34:8

An ger hag a dheuth dhe Yeremia a-dhiworth an Arloedh wosa myghtern Sedekia dhe wul kevambos gans oll an bobel yn Yerusalem dhe wrontya rydhses dhedha,

Yeremia 4:2

ha mar tedh ‘Dell vew an Arloedh!’ yn gwirder, yn breus, hag yn ewnder, ena an kenedhlow a omvennik ynno, ha bostya ynno.

Yeremia 50:5

I a wovynn an fordh dhe Sion ha'ga fasow treylys war-tu hag ev, hag i a dheu ow leverel, ‘Dewgh ha glena agan honan dhe'n Arloedh gans kevambos bys vykken, na vydh ankevys.’

Dewteronomi 10:12

Ha lemmyn Ysrael, pandr'a wovynn an Arloedh orthis marnas perthi own a'n Arloedh dha Dhuw, kerdhes yn oll y fordhow, ha'y gara, ha servya an Arloedh dha Dhuw gans oll dha golonn ha gans oll dha enev,

Dewteronomi 11:13

Mar koslewowgh devri ow gorhemmynnow esov ow korhemmynna dhywgh hedhyw, dhe gara an Arloedh agas Duw ha dh'y servya gans oll agas kolonn ha gans oll agas enev,

Dewteronomi 13:4

Hwi a dal kerdhes war-lergh an Arloedh agas Duw, ha perthi own anodho, ha gwitha y worhemmynnow, hag obaya y lev, ha'y servya, ha glena orto.

Dewteronomi 29:1

An re ma yw geryow an kevambos a worhemmynnis an Arloedh dhe Moyses dh'y wul gans mebyon Ysrael yn pow Moab, dres an kevambos a wrug gansa orth Horeb.

Dewteronomi 4:45

An re ma yw an dustuniow, ha'n ordenansow, ha'n breusow a gewsis Moyses dhe vebyon Ysrael, pan dheuthons yn-mes a Ejyp,

Dewteronomi 6:1

Hemm yw an gorhemmynn ha'n ordenansow ha'n breusow a worhemmynnis an Arloedh agas Duw dhe dhyski dhywgh, dh'aga gul y'n tir mayth esowgh ow treusi di dh'y erita;

Dewteronomi 6:5

ty a gar an Arloedh dha Dhuw gans oll dha golonn, ha gans oll dha enev, ha gans oll dha nerth.

Dewteronomi 8:19

Ha mar ankevydh byth an Arloedh dha Dhuw ha kerdhes war-lergh duwow erell ha'ga servya ha plegya dhe'n dor a-ragdha, my a dhest dhywgh hedhyw, yth ewgh dhe goll devri.

Ebrowyon 12:24

ha dhe Yesu, mayn an kevambos nowydh, ha dhe'n goes skoellys a gews tra well ages goes Abel.

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,